„Ég er búin að kom­ast að því að ég er vond mann­eskja og upp­full for­dóma“.

Þetta segir einn vin­sæl­asti pistla­höf­undur lands­ins, Anna Krist­jáns­dóttir, sem búsett er á Tenerife. Þangað flutti hún til að flýja okur­landið Ísland, líkt og hún orð­aði það á sínum tíma. Á hverjum degi birtir Anna dag­bók­ar­færslu frá para­dís og greinir frá hinum ýmsu ævin­týrum. Oftast eru frá­sagnir Önnu jákvæðar og mein­fyndnar. Í nýlegri færslu er frá­sögnin aðeins myrk­ari og játar Anna að vera bæði vond mann­eskja og for­dóma­full.

„Ég vissi reyndar áður að ég er með for­dóma gagn­vart Mið­alda­flokknum, Fólkinu hans Franklín og nýja flokknum hans, Trump­istum Íslands og fyrrum for­manni KSMLb,“ segir Anna og bætir við að það nái ekki yfir sam­kyn­hneigða, Fram­sókn­ar­menn, múslíma, trans­fólk, þeldökkt fólk, Viðreisn, Vinstri græn og inter­sex­fólk. Píratar munu einnig kom­ast á jákvæða list­ann ef þeir láta af því að kenna sig við sjó­rán.

„Mér er illa við sjó­rán. En samt, ég er með ákveðna und­ir­liggj­andi for­dóma og þeir birt­ust óvænt sam­ferða­fólki mínu í gær,“ segir Anna sem skellti sér nýverið í versl­un­ar­ferð ásamt góðu fólki. Í hring­torgi á leið­inni í versl­un­ar­mið­stöð svín­aði smá­bíll fyrir Önnu sem mátti hafa sig alla við að forða árekstri. Öku­níð­ing­ur­inn var í bíl merktum bíla­leig­unni AVIA.

„Helvítis Íslend­ingar, missti ég út úr mér við sam­ferða­fólkið sem horfðu á mig van­trú­araugum, hvað er nú hlaupið í kerl­ing­una? Er nema von að ég hafi æst mig?“ spyr Anna sem hafði ekki séð annað eins akst­urs­lag síðan haustið 2019.

„Ónefndur Íslend­ingur gerði sér far um að fara ávallt inn á innri hring hring­torgs þrátt fyrir varn­að­ar­orð sam­ferða­manna og síðan snögg­lega útaf hring­torg­inu frá innri akrein og ég ótt­að­ist um líf mitt hjá umræddum öku­manni er ég sá hina bíl­ana snar­negla niður til að sleppa við að breyta mér í kramið blóð­stykki innan við klessta hurð,“ segir Anna en sam­ferða­menn hennar vildu vita af hverju hún, þá enn upp­full af reiði, teldi að hún Íslend­ing væri að ræða.

„Ég hef ekki hug­mynd um það, en hverjir aðrir en Íslend­ingar halda að innri akrein í hring­torgi hafi rétt­inn gagn­vart ytri akrein?“ spyr Anna og endar pistil­inn á þessum orðum:

„Ég skamm­ast mín oní tær fyrir for­dómana gagn­vart Íslend­ingum, öðrum en þeim sem ég taldi upp í upp­hafi þessa pistils, en um leið held ég að ég sé að verða meiri senjóríta í umferð­inni en Íslend­ingur.“