Jón Ívar Ein­ars­son, pró­fessor við lækna­deild Harvardhá­skóla, leggur til að Íslend­ingar fylgi for­dæmi Breta í bólu­setn­ingum. Þannig ættum við að lengja bilið milli fyrri sprautu og þeirrar síð­ari upp í þrjá mán­uði og með því komumst við fyrr út úr far­aldr­inum.

Pró­fess­or­inn viðrar álit sitt í aðsendri grein í Morg­un­blað­inu í dag. Hann leggur til breytta aðferð­ar­fræði við bólu­setn­ingar hér og með henni náum við að flýta enda­lokum far­ald­urs­ins. Svo ein­falt er það.

Máli sínu til stuðn­ings bendir Jón á að far­ald­ur­inn virð­ist í rénum á heims­vísu og því sé fram­tíðin björt. „Meira að segja í Banda­ríkj­unum hefur til­fellum fækkað um 75% síðan hápunkt­inum var náð. Dauðs­föllum hefur ekki fækkað eins mikið, en lík­legt er að þeim fækki hratt á næstu vikum. Nú ber­ast líka þær góðu fréttir að fyrri skammtur Pfizerbóluefnis virð­ist gefa nálægt 85- 90% vernd gegn Covid-19. Seinni skammt­ur­inn hækkar þessa tölu upp í 95%. Seinni skammt­ur­inn eykur því virkni ekki mikið,“ segir Jón.

Útfrá þeirri stað­reynd hversu lít­ill munur á virkni er á milli fyrri og seinni skammts bólu­efnis leggur Jón það til að auka bilið á milli skammt­anna upp í þrjá mán­uði á milli, líkt og Bretar hafa gert með góðum árangri. Það gera Bretar til að geta bólu­sett sem flesta á sem skemmstum tíma og hámarka þannig þá vernd sem bólu­efnið veitir sam­fé­lag­inu í heild. „Nú er ekki vitað hversu lengi bólu­efnin verja okkur og á það við bæði ef við fáum einn skammt eða tvo. Hins vegar eru vís­bend­ingar um að jafn­vel sé betra að bíða lengur með seinni skammt bólu­efnis til að fá lang­tíma­vernd. Svo virð­ist sem Bretar hafi veðjað á réttan hest og hefur nýsmitum í Bret­landi fækkað um 80% síðan 10. jan­úar, þrátt fyrir hið „bráðsmit­andi“ breska afbrigði, segir Jón og heldur áfram:

„Þegar nið­ur­stöður rann­sókna gefa til kynna mjög góða vernd eftir einn skammt bólu­efnis þá er sið­ferði­lega erfitt að rétt­læta að láta hluta fólks vera algjör­lega óvarið á meðan aðrir fikra sig úr 90% í 95% vernd.“

Jón Ívar telur að enn eigi marg­vís­leg áhrif sótt­varn­ar­að­gerða hér á landi eftir að koma fram. Sem dæmi nefnir hann frestun nauð­syn­legra skurð­að­gerða, aukið heim­il­is­of­beldi, aukna áfeng­is­neyslu og aukið ofbeldi gegn börnum.

„Þetta alvar­lega ástand á Íslandi skap­ast að mestu vegna aðgerða gegn Covid-19 en leggst mis­jafn­lega illa á sam­fé­lagið. Þeir sem eru í fíla­beinsturni aka­dem­í­unnar og/eða í þægi­legu starfi hjá rík­inu hafa það bara nokkuð gott. Það eru þessir aðilar sem hafa mestan aðgang að fjöl­miðlum og stýra því umræð­unni,“ segir Jón.