Hafnfirðingar beðnir um að halda ró sinni gagnvart gosi: ,,Við erum í öruggum höndum“

Hafn­ar­fjarð­ar­bær biðlar til íbúa bæj­ar­ins þar sem brýnt er fyrir þeim að halda ró sinni í aðdrag­anda jarð­hrær­inga síð­ustu daga og vís­bend­inga um eld­gos.

Í til­kynn­ingu frá bænum til íbúa segir að virkjuð hafi verið neyð­ar­stjórn á vegum bæj­ar­fé­lags­ins og að hún vinnu í nánu sam­starfi við Almanna­varn­ar­deild Ríkisins. Búið sé að teikna upp allar mögu­legar sviðs­myndir sem gætu litið dags­ins ljós á næstu klukku­stundum, dögum og vikum.

,,Við erum í góðum og öruggum höndum,“ segir í til­kynn­ing­unni. ,,Eins og staðan er núna er afar ólík­legt að grípa þurfi til virkj­unar á við­bragðs­á­ætl­unum en þær eru til staðar ef til þess kemur.“

Til þess má geta að Hafn­ar­fjörður er það sveit­ar­fé­lag sem er hvað nálæg­ast jarð­skjálfta­svæð­inu sem til­heyrir Höf­uð­borg­ar­svæð­inu. Því er ekki úr vegi að íbúar þar hafi allan var­ann á, ef og þegar af eld­gosi verður.

Hafn­ar­fjarð­arbæ er annt um íbúa sína á þessum óút­reikn­an­legu tímum. ,,Haldið ró ykkar og reynið að finna leiðir til að láta ykkur líða vel þrátt fyrir aðstæður.“