Bræður syrgja Mikael Má sem var aðeins fertugur: „Þín minning mun lifa í hjörtum margra“

,,Alltof alltof snemma ertu að kveðja partýið,“ segir Daníel Már í kveðju sem hann birtir í færslu á Facebook síðu sinni. Daníel er að kveðja bróður sinn, Mikael Má Pálsson, í hinsta sinn. Mikael Már lést í síð­ustu viku með skjótum hætti, aðeins fer­tugur að aldri.

Mikael hafði lengi barist við fíkn­ina og var nýlega kom­inn úr með­ferð. Hans draumur var að geta hjálpað fíklum á slæmum stað þegar hann hefði sjálfur náð sér eftir með­ferð­ina.

Daníel Már segir þá bræð­urna hafa átt sér­stakt sam­band sem ein­kennd­ist þó af mik­illi rús­sí­ban­areið endrum og eins. ,,Sama hversu erf­iðir hlut­irnir voru varstu alltaf stóri litli bróðir minn. Það er við­bjóður að hugsa til þess að aldrei aftur muni ég sjá þig eða fá að hlusta á bullið í þér,“ segir Daníel, og bætir við: ,,Það er mikil huggun í því að þú sért loks­ins að hvíl­ast.“

Jón Gauti, bróðir Mikaels heit­ins, minn­ist einnig góðs bróður í minn­ing­ar­færslu á Facebook. „Þú ver­dur alltaf upp­á­halds­per­sóna mín og lifir með mér i hjart­anu, sjá­umst uppi stóri bróðir minn. Mikki minn var virki­lega góður maður, stríð­inn, veru­lega pirr­andi a köflum en sannur og hug­rakkur, alltof fynd­inn og alltaf hjalpaði öllum a undan ser, skemmti­legur orða­klár meist­ari var hann. Hann var skemmti­legi hjálp­sami dug­legi íþrótta­strák­ur­innn í fót­bolta og hand­boltaliði Vals. Í minn­ingu minni og alltaf betri en ég í öllu,“ segir Jón og bætir við:

„Þín verður sárt saknað bróðir minn. Ég mun alltaf muna efir þér sem Mikka„the untouchable.“ Þú lifir i hjörtum okkar og ég er viss ad þad eru margir sem munu sakna þessa frasa og hvernig þu skák­aðir fólk með hæfi­leikum. Núnna ertu far­inn og kerfið brást þér, núna ertu far­inn. Þú trúðir alltaf í það góða í fólk­inu og éwg mun reyna eins og ég get ad fara eftir þinni trú minn kæri meist­ari. Við vitum öll hver var bestur. Bless Mikki minn.“

Fjölda­margir aðrir, vinir og vanda­menn, minn­ast Mikaels með hlýjum og fögrum orðum. Jenný, vin­kona Mikaels, segir: ,,Ég er ósátt. Ég sit hér hugsi, full af spurn­ingum en ekk­ert svar. Í þinni minn­ingu mun ég halda áfram í gleði, sannri vin­áttu og bar­áttu fyrir rétt­læti. Þú áttir ekki að fara strax!“

Daníel segir bróður sinn hafa verið ein­stak­lega fynd­inn og hress – hrókur alls fagn­aðar. ,,Ég geri sterk­lega ráð fyrir því að þú sért svaka fínn, út úr góður, eða eitr­aður og það eru allar líkur á því að það sé stuð í kringum þig, hvar sem þú ert núna,“ segir Daníel.

Jenný biður Guð um að blessa aðstand­endur Mikaels Már. ,,Blessuð sé minn­ing þín. Guð blessi aðstand­endur þína. Þú ert ávallt sjar­mör. Alltaf STJARNA!“ segir Jenný.

,,Ég elska þig kæri bróðir og þín minn­ing mun lifa í hjörtum svo margra, sér­stak­lega í mínu. Hvíl í friði Starboy,“ lætur Daníel Már einnig vera sín loka­orð til bróður síns, með mik­illi sorg og sökn­uði í hjarta.

Daníel Már gaf góð­fús­legt leyfi fyrir umfjöll­un­inni.