Lög­reglan á höf­uð­borg­ar­svæð­inu býst við því að hinum grimma Rottweiler-hundi, sem beit stúlku í and­liltið á skemmti­staðnum Röntgen um helg­ina, verði lógað. Það stað­festir Guð­mundur Páll Jónsson lög­reglu­varð­stjóri.

Málið er á byrj­un­ar­stigi hjá lög­regl­unni og í sam­talið við Manníf segir Guð­mundur Páll það ekki líta vel út. „Það á enn eftir að ræða við eig­and­ann og hunda­eft­ir­litið en hér er um að ræða stóran hund sem settur er inn í umhverfi með hávaða og ölv­uðu fólki. Það skapar hættu­legar aðstæður. Mér finnst lík­legt að dýr­inu verði lógað”, segir Guð­mundur Páll.

Stúlka var bitin í and­litið af Rottweiler hundi á skemmti­staðnum Röntgen við Hverf­is­götu síð­ast­liðið föstu­dags­kvöld. Eigandi stað­ar­ins, Ásgeir Guð­munds­son, segir í sam­tali við Vísi að um sé að ræða leið­in­legt óhapp.

„Við þurfum kannski eitt­hvað að end­ur­skoða hvort að við eigum almennt að skapa aðstæður til að þetta geti yfir höfuð mögu­lega komið aftur fyrir. Og þá held ég að það sé kannski bara skyn­sam­legt að setja eina almenna reglu um að eftir klukkan eitt­hvað ákveðið, áður en við förum að hækka tón­list­ina og skapa meiri kvöld­stemn­ingu á staðnum, að þá megi hundar ekki koma inn eftir þann tíma,“ segir Ásgeir.

Atvikið gerð­ist rétt fyrir lokun. „Eig­and­inn útskýrði fyrir mér per­sónu­lega að um sé að ræða ljúfan og góðan, vel upp alinn hund, þrátt fyrir að hann líti kannski út fyrir að vera stór og ógn­andi,“ segir Ásgeir. Hann hafi gert eig­and­anum grein fyrir því að það væri í lagi að vera með hund­inn á staðnum svo lengi sem hund­ur­inn væri í ól og eig­and­inn treysti hund­inum.

Samkvæmt Ásgeiri veit hann ekki betur en að þetta hafi farið betur á hafi horfst og líðan stúlkunnar þokka­leg.

„Ég hef ekki ennþá haft sam­band við eig­anda hunds­ins en það sem ég hins vegar veit og þekki af honum er að þetta er ungur, mjög kurt­eis og skemmti­legur maður sem er fasta­gestur hjá okkur og ég veit að hann var í miklu áfalli og tók fulla ábyrgð á þessu,“ segir Ásgeir.