Samherji fagnar gegn Helga Seljan og vill reka hann: „Þetta heldur ekki vöku fyrir mér“

For­svars­menn Samherja sem sak­aðir eru um mútur og fleiri alvar­lega spill­ing­ar­glæpi, í Namibíu og víðar, krefj­ast þess að Helgi Seljan fjalli ekki framar um mál­efni hins umdeilda félags. Þetta kemur fram á heima­síðu félags­ins í kjöl­far þess að Helgi var af siða­nefnd RÚV úrskurð­aður brot­legur vegna per­sónu­legra ummæla sem hann lét falla á sam­fé­lags­miðlum. Samherji lætur sem úrskurð­ur­inn snú­ist um vinnu­brögð Helga við frétta­skrif en ekki ummæli á sam­fé­lags­miðlum. Það var frétta­mað­ur­inn fyrr­ver­andi, Þorbjörn Þórð­ar­son, sem sem tók saman ummæli Helga og fleiri kollega sinna af Facebook og afhenti Samherja.

„Helgi Seljan hefur ítrekað við­haft ámæl­is­verð og óheið­ar­leg vinnu­brögð í tengslum við umfjöllun um Samherja í miðlum Rík­is­út­varps­ins und­an­far­inn ára­tug. Hefur frétta­mað­ur­inn orðið upp­vís að því að hag­ræða gögnum, slíta upp­lýs­ingar úr sam­hengi og laga frétta­flutn­ing að eigin geð­þótta,“ er skrifað á síðu Samherja.

Þá er þessi kraf­ist að Helgi verði áminntur fyrir brot í starfi.

„Í ljósi nið­ur­stöðu siða­nefndar RÚV í dag mun Samherji krefj­ast þess að hann fjalli ekki frekar um mál­efni fyr­ir­tæk­is­ins á vett­vangi Rík­is­út­varps­ins og vinni ekki að slíkri umfjöllun í sam­starfi við aðra. Þá verður gerð sú krafa að Rík­is­út­varpið áminni hann fyrir brot í starfi“.

Helgi hefur ekki áhyggjur af úrskurð­inum sem hann segir vera illa unn­inn og illa ígrund­aðan. „Ég veit ekki hvert ég á að kæra rang­færslur á frétta­vef Samherja. Þeir eru búnir að fella grímuna. Nú halda þeir að rann­sókn og dóms­mál í tveimur heims­álfum hverfi ef ég láti af störfum. Til þessa voru ref­irnir skornir. Kærurnar voru til að stöðva umfjöllun. Hvorki kær­urnar né niðu­staða nefnd­ar­innar snúa að störfum mínum hjá RÚV. Úrskurð­ur­inn snýr ekk­ert að starfi mínu sem frétta­maður . Þarna er meðal ann­ars

Úrskurður Siða­nefndar RÚV er harð­orður og afger­andi. Spurt er hvort það sé ekki áfall og högg fyrir Helga. Hann neitar því og bendir á að nefndin hafi meðal annrs úrskurðað varð­andi ummæli sem ekki snér­ust um Samherja.

„Þetta heldur ekki vöku fyrir mér. Ég er ekk­ert í ein­hverjum fót­bolta­leik. Ég er að vinna mína vinnu. Það er merki­legt ef litið er til alls sem hefur gengið á und­an­farið er að fyrsti dóm­ur­inn sem fellur og teng­ist á ská Sam­herj­a­mál­inu snú­ist um að ekki megi fjalla opin­ber­lega um Samherja. Samherji villir meðal ann­ars um og kærir Facebook-deil­ingu þar sem ég er að grín­ast með popp­ara sem voru að leika í aug­lýs­ingu í ímynd­ar­her­ferð fyr­ir­tæk­is­ins Eldum rétt og snérist ekk­ert um Samherja. Þessu nefnd gerði ekk­ert með sjálf­stæða rann­sókn“ segir Helgi.