Þrír menn börðu gamlan mann til óbóta og skildu eftir liggjandi í blóði sínu

Þrír menn réð­ust á aldr­aðan mann með bar­eflum í Laug­ar­dals­hverf­inu í Reykja­víkur síð­degis í gær og börðu hann til óbóta. Þeir stálu af gamla mann­inum ýmsum munum, brutu gler­augu hans og skildu hann eftir liggj­andi í blóði sínu. Þetta kemur fram í dag­bók lög­regl­unnar á höf­uð­borg­ar­svæð­inu.Lögreglu barst til­kynn­ing um árás­ina rétt fyrir klukkan fimm í gær og lög­reglan lítur málið mjög alvar­legum augum. Vitað sé hverjir voru að verki en ekki hafa verið gefnar frek­ari upp­lýs­ingar um málið.

Í dag­bók lög­reglu er einnig sagt frá því að maður hafi gengið inn í verslun í Árbæ í gær og hótað þar fólki og verið með yfir­gang við við­skipta­vini og starfs­fólk. Hann fór svo ekki að fyr­ir­mælum lög­reglu og var hand­tek­inn og vistaður í fanga­klefa.

Einnig barst lög­regl­unni til­kynn­ing um öku­mann sem hafði tekið bensín og gleymt að taka dæl­una úr áfyll­ing­ar­opi bíls­ins. Sá reynd­ist svo undir áhrifum fíkni­efna. Annar öku­maður var stöðv­aður í dag vegna akst­urs undir áhrifum fíkni­efna og hafði hann verið sviptur öku­rétt­indum áður. Annar öku­maður sem var stöðv­aður reynd­ist óhæfur í akstri vegna neyslu lyfja.