Svo virð­ist sem nýtt æði hafi gripið um sig hér á landi en það er að sprauta sig með syk­ur­sýkis­lyf­inu Saxenda dag­lega í þeim til­gangi að létt­ast. Íslenskur áhrifa­valdur sagði fylgj­endum sínum frá þessu „undra­efni“ sem kom bylgju af stað meðal kvenna.

Lyfið er aftur á móti lítið rann­sakað og virð­ist geta valdið alvar­legum auka­verk­unum. Auðvitað þurfa sumir á lyf­inu að halda og það er bara jákvætt ef það hjálpar við bar­átt­una við ofþyngd og heilsu­bresti. Mannlíf kaf­aði ofan í málið.

Mannlíf ræddi meðal ann­ars við Ólöfu Töru Harð­ar­dóttur, einka- og nær­ing­ar­þjálfa, um BMI stuð­ul­inn sem er not­aður meðal ann­ars sem for­senda og mæli­tæki til þess að fá Saxenda upp­á­skrifað.

Ólöf Tara einka- og nær­ing­ar­þjálfi

„BMI er ekki mæli­ein­ing sem við getum notað til þess að mæla heilsu­far ein­stak­linga. Hlutfall þyngdar miðað við hæð getur ómögu­lega vera mæli­kvarði á heilsu. Heilsa er flókn­ari líf­fræði en svo. BMI gerir ekki ráð fyrir vöðvamassa, bein­þèttni, kyn­þætti sem og þeim líf­fræði­lega mun sem er á körlum og konum. Heil­brigð­is­kerfið virð­ist sætta sig við það að vera mörgum ljósárum á eftir þegar það kemur að vit­neskju um heilsu­far.

Fólk er sett á þyngd­ar­stjórn­andi lyf sem hafa í för með sér slæmar auka­verk­anir, lyf sem jafn­vel valda því að bæta þurfi við öðrum lyfjum til þess að minnka þær auka­verk­anir, allt í nafni heils­unnar. BMI er mæli­kvarði sem er mikið not­aður til þess að rétt­læta notkun á slíkum lyfjum. Það er auð­veld­lega hægt að sleppa slíkum lyfjum í mörgum til­fellum ef heil­brigð­is­kerfið hefði vilja til þess að end­ur­skoða skil­grein­ingu heilsu sem við vitum að er meiri og dýpri. Í raun og veru eru BMI not­aður sem rétt­læt­ing áfram­hald­andi ofbeldis sem feitt fólk hefur þolað í ára­tugi.“