Ótrúleg viðbrögð notenda á Facebook við bíræfnu bílráni frá Háteigsbúðinni í Reykjavík hafa vakið nokkra athygli, en Arndís Björg Ásgeirsdóttir varð fyrir því óláni nú í gærkvöldi að skilja lyklana eftir í bifreið sinni, sem er af Ford Escape gerð meðan hún gerði sér örstutta ferð inn í matvörubúð.
Bifreiðin er fundin og þakka þær Sandra Ósk Jóhannsdóttir, sem deildi skjáskoti af auglýsingu Arndísar vinkonu sinnar, inn á hópinn Brask og Brall (allt leyfilegt) fyrir fengna hjálp og skjót viðbrögð sem urðu til þess að bifreiðin fannst.
Hins vegar hlaut deilingin nokkra athygli meðal netverja og athugasemdir nokkuð hvassyrtar. Þannig segir einhver að það eitt að yfirgefa bíl í gangi hljóti að vera alveg séríslenskt fyrirbækir og annar klykkir út með því að nokkuð sérstakt verði að að teljast að að gefa sér tíma til að ná mynd af ræningjanum. Sjálfur hefði hann örugglega reynt að ná gæjanum út úr bílnum.
Athugasemdir á Brask og brall eru mjög harðorðar og má meðal annars lesa:
„Afsakið en hún er ekki fórnarlamb nema eigin heimsku og leti 1 ekki skilja bíl eftir í gangi, 2 ekki skilja bíl eftir ólæstann, 3 ekki skilja lykla eftir í bíl er mjög ánægð að bíllinn fannst, en þetta dæmist algerlega á hana“
Sandra Ósk, sem deildi skjáskotinu í gær, varð tilneydd að loka fyrir frekari athugasemdir við innlegg sinn í hópinn eins og sjá má af meðfylgjandi skjáskoti:
Athugasemdir