Eftir Þóreyju Sig­þórs­dóttur

Í síð­ustu viku flutti ég  fyr­ir­lestur „Röddin – Þarfasti þjónn­inn?” röddin sem atvinnu­tæki. Síðasta árið hafa mínir fyr­ir­lestrar verið á net­inu, út af svolitlu, þess vegna var það ein­stak­lega ánægju­legt að hitta áheyr­endur í eigin per­sónu.

Þessi fyr­ir­lestur er í sér­stöku upp­á­haldi hjá mér þar sem ein mín helsta ástríða er að opna augu fólks fyrir því hversu mikið töfra­tæki röddin getur verið og  þjónað þér, hvort sem er í einka­lífi eða starfi. Ekki má gleyma því að röddin er eitt öfl­ug­asta heil­un­ar­tæki sem við höfum til að nýta okkur, alltaf.

Fyr­ir­lest­ur­inn fór fram í ynd­is­legu umhverfi, á heilsu­stofnun þar sem áherslan er á heild­ræna heilsu­styrk­ingu, bæði and­lega og lík­am­lega. Áheyr­endur mínir var starfs­fólkið sem vinnur þar sitt góða starf, ýmist með við­skipta­vini sína í með­ferð sem kallar á náin sam­skipti eða það heldur fræðslu­fyr­ir­lestra um sitt sér­fag. Allt fært fag­fólk á sínu sviði.

Þegar ég spurði hversu margir við­staddir hefðu atvinnu af rödd­inni sinni réttu allir upp hönd­ina. Þegar ég svo spurði hversu margir þjálf­uðu rödd­ina reglu­lega, var ein hendi á lofti.

Þetta er normið. Fólk er almennt mjög ómeð­vitað um nauð­syn þess að þjálfa rödd­ina og byggja hana upp þótt hún sé þeirra helsta atvinnu­tæki. Þá er ónefnt hvernig radd­þjálfun getur bætt sam­skipta­færni okkar.

Nú veistu af hverju ég er á „mis­sjón” að breiða út boð­skap­inn! Þarna er þekk­ing­argap!

Ég heyrði nýverið við­tal við einn helsta sér­fræð­ing okkar á þessu sviði Dr. Valdísi Ingi­björgu Jóns­dóttur, sér­fræð­ings í rödd. Hún var að tala um nákvæm­lega þetta. Fólk sem leigir út rödd­ina sína, hefur atvinnu af henni, þjálfar ekki rödd­ina sína. Það er ekki af því að þeir þurfi ekki á því að halda eða glími ekki við nein vanda­mál. Fólk fer bara ekki að hugsa um rödd­ina sína fyrr en hún bilar og þá er stundum of seint í rass­inn gripið. Jafnvel hefði skað­inn ekki orðið ef radd­þjálfun og fræðsla um hana hefði átt sér stað.

Eins og Valdís segir, fólk kemur of seint í radd­þjálfun. Flestir setja markið ekki hærra en geta „bara talað” þangað til þeir geta það ekki, þeir hafa misst rödd­ina og þá leita þeir hjálpar.

En röddin er eins og hver annar vöðvi, það þarf að þjálfa hana ef þú vilt að hún vinni fyrir þig.

Þú myndir aldrei fara af stað og hlaupa mara­þon án þess að fræð­ast, und­ir­búa þig og þjálfa! Eða hvað? Myndir þú gera það?

Grein­ar­höf­undur er fag­stjóri í leik­list og rödd við Kvik­mynda­skóla Íslands, leik­kona, leik­stjóri og félags­kona í FKA

Þeir sem vilja kynna sér fyr­ir­lest­ur­inn betur og bóka hann eða nám­skeið geta haft sam­band við Þóreyju á net­fang­inu: [email protected]