Starfsmönnum RÚV hótað – Einn handtekinn og öryggisgæsla aukin

Einn er í haldi lög­reglu eft­ir að hafa haft í hót­un­um við RÚV og starfs­menn stofn­un­ar­inn­ar. Viðkom­andi var hand­tek­inn í gær og var ör­ygg­is­gæsla í Efsta­leiti, húsa­kynn­um RÚV, auk­in í gær vegna máls­ins. Eft­ir að lög­regla hand­tók þann sem ábyrg­ur var færð­ist ör­ygg­is­stig aft­ur í samt horf. Þetta kemur fram í sam­tali Ásgeirs Þórs Ásgeirs­sonar á vef mbl.is

Hann telur við­kom­andi enn í haldi lög­reglu en seg­ist ekki geta tjáð sig um eðli hót­un­ar­innar en kvað ekki um sprengju­hótun vera að ræða.

„Í gær virð­ist sem eitt­hvað hafi borist, það sem telja mætti sem hót­an­ir, gagn­vart stofn­un­inni eða starfs­fólki og á meðan lög­regla var að stað­setja og hand­taka við­kom­andi sem stóð á bak við þess­ar hót­arn­ir, þá jók Rík­is­út­varpið við ör­ygg­is­gæslu í hús­inu. En eft­ir að við­kom­andi var hand­tek­inn þá var það dregið til baka,“ seg­ir Ásgeir í við­tal­inu.

Stefán Ei­ríks­son út­varps­stjóri hafði áður stað­fest við mbl.is að ör­ygg­is­gæsla hafi verið auk­in tíma­bundið en kaus að tjá sig ekki um ástæðu þess.