Þau eru ansi lit­rík og skemmti­leg heim­ilin sem við hjá Húsum og híbýlum heim­sóttum fyrir nýja blaðið okkar sem er komið í versl­anir. Stofur og borð­stofur eru í aðal­hlut­verki í þessu blaði ásamt inn­litum inn á íslensk heim­ili þar sem per­sónu­legur stíll ræður ríkjum.

Það er fal­leg íbúð þeirra Hebu Fjal­ars­dóttur og Birgis Har­alds­sonar sem prýðir for­síð­una að þessu sinni. Hlutir heim­il­is­ins eru valdir af kost­gæfni þar sem klass­ísk hönnun er í aðal­hlut­verki. Heba segir klass­íska, skand­in­av­íska og jap­anska hönnum í hvað mestu upp­á­haldi.

Allir hlutir og hús­gögn íbúð­ar­innar eiga sinn stað en henni þykir mik­il­vægt að ofhlaða ekki. „Ég er með væga fóbíu fyrir því að hafa drasl og mér finnst mjög róandi að hafa aðeins vel valda hluti. Mér finnst list og smá­hlutir síðan vera það sem gerir heim­ilið per­sónu­legt.“

Við kíkjum svo til Akur­eyrar og skoðum glæsi­legt fimm her­bergja hús í gamla innbæ Akur­eyrar. Þar býr Maja Eir Krist­ins­dóttir með eig­in­manni sínum og fjórum sonum þeirra. Húsið er á besta stað í bænum með stór­feng­legt útsýni yfir fjörð­inn. Þegar Maja er spurð út í þann stíl sem hún aðhyllist seg­ist hún vera „gömul í sér“ og lað­ast að antík­munum og því sem er gam­alt eða gam­al­dags.

Við skoðum einnig skemmti­legt heim­ili Júlíu Grön­valdt. Íbúðin er 58 fer­metrar að stærð, stað­sett í nýlegu hverfi í Lága­leit­inu. Íbúðin er lif­andi og stíll­inn frjáls­legur og seg­ist hún fyrst og fremst sækja í hluti og hús­gögn sem hafa karakter og sögu að segja.

Við heim­sækjum svo vöru­hönn­uð­inn Birtu Rós Brynj­ólfs­dóttur en heim­ili hennar er algjör ævin­týra­heimur. Birta er mik­ill safn­ari og áhuga­verðir hlutir sem flestir koma af nytja­mörk­uðum prýða hvern krók og kima heima hjá henni.

Birta giskar á að aðeins um 5% af þeim hlutum sem hún á hafi hún keypt nýja úti í búð, allt annað fékk hún gef­ins eða keypti notað á nytja­mörk­uðum. „Það er klár­lega umhverf­is­vænna að kaupa not­aða hluti, líka hag­stæð­ara.“

Stofur og borðstofur í fókus

Stofur og borð­stofur eru í aðal­hlut­verki í nýja blað­inu og við gefum les­endum góð ráð um hvernig megi fá sem mest út úr fer­metr­unum og skapa sér nota­legt afdrep í stof­unni.

Við fáum svo góð ráð frá sér­fræð­ingum, meðal ann­ars inn­an­húss­hönn­uð­inum Höllu Báru Gests­dóttur en hún er mik­ill snill­ingur í að fram­kalla nota­lega stemn­ingu. Inn­an­húss­arki­tekt­inn Katrín Ísfeld fræðir okkur einnig um þær stefnur og strauma sem hafa verið áber­andi und­an­farin miss­eri.

Við kíkjum svo á þær Guðnýju Haf­steins­dóttur og Höllu Ásgeirs­dóttur á vinnu­stofu þeirra Snú Snú en þær eru báðar með­limir í Leir­lista­fé­lagi Íslands, félagið fagnar 40 ára afmæli um þessar mundir.

Svo kynn­umst við lista­tvíeyk­inu hjá Krot og Krass, þeim Birni Loka og Elsu Jóns­dóttur. Þau hafa verið að ryðja sér braut á sjón­ar­svið­inu und­an­farin ár með ein­stökum verkum sem þau miðla ýmist með vegg­list, mál­verkum eða skúlp­t­úr­gerð bæði hér­lendis og erlendis. Að þeirra sögn vinna þau á mörkum mynd­listar og hönn­unar.

Þetta og miklu meira í nýjasta Hús og híbýli.