Reyndi að ræna sjö ára stúlku: „Fór að gráta og sparkaði í punginn á honum“

Sjö ára stúlka gekk í gegnum þá hrika­legu lífs­reynslu að maður reyndi að ræna henni þar sem hún var að leik í Graf­ar­vogi. Faðir hennar, Ragnar Örn Ottósson, skrifar um atvikið á Facebook.

„Í kvöld gerð­ist það að maður reyndi að taka 7 ára dóttur mína með sér af leik­vell­inum í botn­götu Funa­foldar. Maðurinn gekk að henni og spurði hana hvort hún vildi sjá hundana hans,“ skrifar Ragnar Örn.

Þegar stúlkan neit­aði því tók mað­ur­inn hana upp og hélt að sér og gerði sig lík­legan til að ganga með hana á brott.

„Hún öskr­aði, fór að gráta og spark­aði í pung­inn á honum. Við það sleppti hann henni og hljóp á brott,“ skrifar fað­ir­inn.

Hann segir að engin vitni hafi verið að atburð­inum. Lýsing stúlkunnar á manninnum er eft­ir­far­andi:  Dökk­hærður, brún augu, milli 170 cm til 180 cm. Íklæddur gráum íþrótta­buxum og grárri peysu. Hún sagði hann vera eitt­hvað freknóttan. Maðurinn er Íslend­ingur.

„Ég biðla til allra í Folda­hverfi að skoða mynda­véla­kerfi sín sem kynnu ađ hafa tekið eitt­hvað upp. Mögulega dyra­síma­kerfi Ring e.t.c. við munum ekki gef­ast upp fyrr en þessi maður finnst,“ skrifar Ragnar.

Hann segir að lög­reglan sé með málið skráð. Atvikið gerð­ist um kl 20:20 þann 7 júní.