Íslenska lýð­veldið fagnar 77. ára afmæli í ár og verða hátíð­ar­höld í mið­borg Reykja­víkur með nokkuð hefð­bundnu sniði þrátt fyrir sam­komu­tak­mark­anir og til­heyr­andi var­úð­ar­ráð­staf­anir gegn Covid sem er í öfl­ugri rénun hér­lendis. Á við­burða­síðu borg­ar­innar eru íbúar þá hvattir til að halda upp á dag­inn með vinum og fjöl­skyldu og skreyta heim­ili og garða með fánum og öðru skrauti í fána­litum.

Dag­skráin hefst með morg­un­athöfn á Aust­ur­velli sem sjón­varpað verður í beinni útsend­ingu frá RÚV til allra lands­manna, en for­sæt­is­ráð­herra og fjall­konan stíga bæði á svið, ráð­herra með ávarp sitt til þjóð­ar­innar og fjall­konan með sér­samið ljóð, sem verður frum­flutt á sviði. Þá leggja nýstúd­entar blómsveig við leiði Jóns og Ingi­bjargar í Hóla­valla­kirkju­garði og for­seti borg­ar­stjórnar flytur ávarp sitt meðan skátar standa heið­ursvakt.

Fjall­konan afhjúpuð í fyrra­málið: Skartar Binni Glee skaut­inu á Aust­ur­velli?

Létt og fjað­ur­mögnuð stemn­ing verður að sögn borg­ar­innar allt frá hádegi og fram til kvöld­verðar en plötu­snúðar þeyta skífum í Hljóm­skála­garði og á Klambra­túni, sirk­ús­lista­menn sýna atriði og veit­ingar verða boðnar úr mat­ar­vögnum í mið­borg­inni. Þá bregða List­hópar Hins Hússins og Götu­leik­húsið undir sig betri fæt­inum, kvenna­kór­inn Vox fem­inae röltir raulandi um stræti ásamt því sem Ari Bragi Kárason leiðir spilandi og garg­andi tríó Brass­sveit­ar­innar um öng­stræti og breið­götur.

Borg­ar­yf­ir­völd hafa komið þeim til­mælum að borg­ar­búar virði fjölda­tak­mörk, eins metra nálægð­ar­mörk og hvetja hátíð­ar­gesti til að huga að ein­stak­lings­bundnum smit­vörnum og nota and­lits­grímur þegar við á – en dag­skráin hefst eins og áður sagði klukkan ell­efu á Aust­ur­velli og verður glatt á hjalla fram eftir kvöldi í höf­uð­borg­inni.

Rit­stjórn Mannlífs óskar Íslend­ingum fjær og nær til ham­ingu með dag­inn, en dag­skrá borg­ar­innar er HÉR