Bjarnheiður Halldórsdóttir vonast til þess að sóttkví á landamærum verði lögð niður

Bjarn­heiður Hall­dórs­dóttir for­maður Samtaka ferða­þjón­ust­unnar von­ast eftir því að sótt­kví á landa­mærum verði afnumin. Það sé ekki fyrr en það ger­ist að ferða­þjón­ustan kom­ist í fullan gang. Morg­un­blaðið sagði fyrst frá.

Bjarn­heiður Hall­dórs­dóttir for­maður Samtaka ferða­þjón­ust­unnar

Bjarn­heiður segir að Amer­ík­anar séu þeir sem helst hafa verið að koma til lands­ins eftir að það var opnað fyrir bólu­setta ferða­menn utan Schengen þann 6. apríl. Bjarn­heiður segir fyrst nú sé farið að bera í auknum mæli á ferða­mönnum frá Evrópu. Meiri­hluti þess­ara ferða­manna eiga það sam­eig­in­legt að vera bólu­settir. Hún telur að það fari ekk­ert á fullt hér á landi í ferða­þjón­ustu fyrr en sótt­kví  verði látin af og tekin verði upp ein­föld skimun fyrir alla.

Til stóð að setja á ein­falda skimun fyrir alla þann 1. júlí en því hefur verið frestað að minnsta kosti til 15. júlí. Bjarn­heiður segir að ferða­þjón­ustan sé að bíða eftir því að þetta fyr­ir­komu­lag sé komið á.