Svo virð­ist sem Gunnar Þor­steins­son – Gunnar í Kross­inum – sé ekki sáttur með orð dóttur sinnar, Sig­ur­bjargar, sem féllu í nýjasta Helg­ar­við­tali Mannlífs.

„Árið 2010 var erfitt. Pabbi og mamma skilja árið 2009 og árið 2010 kemur Jónína Ben inn í líf okkar og hún og pabbi gifta sig. Sama ár fara ásak­an­irnar á hendur pabba af stað og ég enda óvænt sem for­stöðu­maður sem var eitt­hvað sem ég hafði ekki séð fyrir.” Sig­ur­björg segir að -það sé lítið sam­band á milli feðgin­anna en hann býr á Spáni. Þau hitt­ast þó reglu­lega, til dæmis í fjöl­skyldu­boðum. Þetta kom meðal ann­ars fram í ein­lægu við­tali við Sig­ur­björgu þar sem hún ræddi um líf sitt og störf í þágu trú­ar­innar.

Gunnar virð­ist ósáttur við trú­ar­leið­tog­ann Sig­ur­björgu, dóttur sína, eftir við­talið en hann hampar yngsta barni sínu.

„Sonur minn, Gunnar Ingi, hann er trú­ar­leið­togi sem stendur undir nafni,“ segir Gunnar og heldur áfram:

„Hann þarf ekki að taka það sem aðrir eiga til að skila árangri. Hann er af Guði bless­aður og ávext­irnir sýna merkin“.

Eiríkur Ein­ars­son skrifar þá þetta á Facebook-síðu Gunnars: „Ég var að tala við hana dóttur þína, hana Sibbu, hún elskar þig.“

Jón Sigurður Norð­kvist spyr Gunnar á sömu síðu spurn­ingar sem Gunnar hefur ekki svarað:

„Hvað áttu við með því sem þú segir?: „Hann þarf ekki að taka það sem aðrir eiga til að skila árangri”.