Mikill við­bún­aður var í Flat­eyr­ar­höfn í gær­kvöld þegar til­kynnt var um mögu­legt lög­brot skip­stjóra strand­veiði­báts. Sjó­mað­ur­inn var að koma úr veiði­ferð og hann búinn að landa afl­anum upp á bryggju þegar lög­reglu­bílar þustu að. Greip sjó­mað­ur­inn til þess ráðs að leysa land­festar í snatri og sigla á 25 sjó­mílna ferð til hafs. Var þá kallað til varð­skip sem var í grennd­inni. Skipið hélt í humátt á eftir hinum grun­aða. Samkvæmt heim­ildum Mannlífs var slökkt á stað­setn­ing­ar­bún­aði varð­skips­ins svo það gæti farið eins leynt og kostur væri í eft­ir­för sinni.

Eftir nokkurn elt­inga­leik út og inn Önunda­fjörð tókst varð­skips­mönnum að kom­ast um borð í bát­inn og hand­taka skip­stjór­ann. Báturinn og eig­andi hans voru færðir til hafnar, sinn í hvoru lagi.

Karl Vil­bergs­son lög­reglu­stjóri á Ísafirði stað­festi að málið væri í rann­sókn­ar­ferli en vildi ekki tjá sig um sak­ar­efni.