Glúmur ekki vongóður um djamm og orgíur í haftaleysinu: „Mun engu breyta um mitt líf“

Glúmur Bald­vins­son er svart­sýnn á mögu­leik­ann á að verða boðið í villtar kyn­lífs­veislur eftir að Covid höft­unum létti eins og sjá má á Facebook færslu hans.

„Nú ber­ast þau fagn­að­ar­tíð­indi um gjör­vallt Ísland að landið verður án hafta og tak­marka frá mið­nætti. Tak­marka­laust Ísland 2021. Sjálfur skil ég ekki öll fagn­að­ar­lætin á log­andi miðl­unum því þetta mun engu breyta um mitt líf. Því harla ólík­legt er að mér síð­mið­aldra karl­mann­inum verði boðið í djamm og sleik og org­íur eftir mið­nætti héðan af í líf­inu. En vegni ykkur hinum vel.

Og Guð blessi þjóð­ina, íslenskan kyn­lífstækja­iðnað en mest þó For­set­ann“.

Fólki er almennt skemmt í svörum og benda margir Glúmi á að hann sé ekki svo gam­all að slíkt athæfi sé úti­lokað og telur Erlendur að engin höft þýði að tími Calicula sé runn­inn upp.

Aðrir fagna miðjum aldri og org­íu­leysi og seg­ist Sigurður vera heima. „Ég er ryk­suga stund­vís­lega á föstu­dags­kvöldi eins og und­an­farin 10 ár, ekki bitur ekki neitt, bara stund­vís, ég og Miele, poka­laus“.

Síðar bætir Glúmur við:

„En auð­vitað er ég smá abbó. Það verður að við­ur­kenn­ast. Tóm bingókvöld og leið­indi framundan. Mér láð­ist að biðja Guð um að blessa Þjóðólf og Víði og þakka fyrir tak­marka­lausar org­íur fram­tíðar.“