Samherji neitar alfarið áreiti og einelti – Illugi segir enn hlaupið í skjól lyginnar

„Mikið dæma­laust eru yfir­menn og stjórn­endur Samherja ómerki­legir. Í stað þess að horfast í augu við gerðir sínar og taka ábyrgð á þeim, þá er enn hlaupið í skjól lyg­innar,“ segir Illugi Jök­uls­son í harð­orðri Facebook færslu í kjöl­far yfir­lýs­ingar frá Samherja þar sem fyr­ir­tækið neitar alfarið að hafa áreitt blaða­menn. Illugi gefur lítið fyrir svör fyri­tæk­is­ins.

Ekki áreiti heldur málfrelsi

Í skrif­legu svari Mar­grétar Ólafs­dóttir, aðstoð­ar­konu Þor­steins Más Bald­vins­sonar for­stjóra Samherja, til Committee to Protect Journalists (CPJ) að fyr­ir­tækið hafi ekki áreitt blaða­menn Kveiks eftir umfjöllun frétta­skýr­inga­þátt­ar­ins um starf­semi Samherja í Namibíu, sem birt­ist í nóv­em­ber 2019. Hún heldur aftur á móti fram að um sé að ræða mál­frelsi fyr­ir­tæk­is­ins. Þetta kemur fram í frétt á Kjarn­anum.

CPJ hefur fjallað um her­ferð Samherja til að koma óorði á Helga Seljan og kollega hans á RÚV í formi skrifa á vef­síðu, YouTubed mynd­böndum, kæru  til siða­nefndar RÚV og til­raunum til að hafa áhrif á kjör for­manns í Blaða­manna­fé­lagi Íslands, sem Margrét vísar alfarið á bug.

Gífurlega alvarlegt

Rakel Þor­bergs­dóttir frétta­stjóri á RÚV segir við CPJ að aðgerðir Samherja séu „gíf­ur­lega alvar­legar“ og „geti ekki á nokkurn hátt verið rétt­lættar eða útskýrðar af Samherja sem ein­hvers konar við­brögð við umfjöllun þeirra“.

Margrét gerir lítið úr hegðun Jóns Óttars Ólafs­sonar, ráð­gjafa og einka­spæj­ara sem hefur að hennar sögn „stöku sinnum unnið að verk­efnum“ fyrir hönd fyr­ir­tæk­is­ins en tekur fram að þau verk­efni hafi aldrei falið í sér áreiti eða ein­elti í garð Helga Seljan.

Ítrekað áreiti

Kjarninn greindi frá í fyrra frá ítrek­uðu áreiti Jóns Óttars í formi SMS og Facebook skila­boða auk þess að hafa reynt að hitta á hann á kaffi­húsi sem vissi til að Helgi heim­sækti. Jón Óttar baðst síðar afsök­unar en kvað hegðun sína alfarið á eigin ábyrgð, ekki Samherja. Nafn Jóns Óttars hefur einnig verið tengt við svonenda „skæru­liða­deild Samherja“ sem Kjarninn birti fréttir af í maí á þessu ári.

„Var hann hluti þess hóps sem rekur áróð­urs­stríð Samherja gegn blaða­mönnum og ákveðnum fjöl­miðlum sem fjallað hafa um fyr­ir­tækið en hóp­ur­inn lýsti sér sjálfur í sam­tölum sem skæru­liða­deild,” segir í frétt Kjarnans.