Bogi og Bryndís rukkuð um milljónir í meðlag af barnsmóður: „Við erum viðbúin næstu árásum“

„Fyrsta færslan var ákall eftir hjálp. Það er ekk­ert í kerf­inu sem grípur fólk í okkar stöðu, hvergi á leið­inni er eitt­hvað sem stoppar af þetta órétt­læti. Alls staðar löbbuðum við á veggi og svörin sem við fengum yfir­leitt á þá leið að svona eru jú bara lögin. Skiptir þá engu sú aug­ljósa stað­reynd að barnið hafði allt frá sam­búð­ar­slitum verið í jafnri umgengni við móður og föður og öllum kostn­aði skipt á milli beggja for­eldra“.

Svo segir Bryndís Rán Birg­is­dóttir í færslu á sam­fé­lags­miðlum en dómur er fall­inn í máli þar sem barns­móðir Boga Hall­gríms­sonar fór fram á greiðslu með­lag sjö ár aftur í tím­ann.

Mannlíf sagði fyrst frétt af mál­inu í apríl síð­ast­liðin.

Beið í sjö ár og krafði þá um milljónir

Bryndís segir að þau hafi aldrei, og muni lík­lega aldrei fá að vita af hverju barns­móð­irin lagði upp í þessa veg­ferð. Aldrei hafi verið hægt að sýna fram á að þau hafi ekki staðið við sínar skuld­bind­ingar, fyrir utan þá stað­reynd að Bogi hafi ekki greitt með­lag síðan þau skildu í árs­lok 2013. „Vissu­lega er það satt en ekki af því að Bogi sveikst undan skyldum sínum, það var bara samið um annað fyr­ir­komu­lag. Barns­móð­irin hafði á hvaða tíma­punkti sem er frá því að sam­búða­slita­papp­írar voru und­ir­rit­aðir til að krefj­ast með­lags.

En hún beið í 7 ár og krafði okkur þá um millj­ónir“.

Mál þeirra hjóna er fyrsta sinnar teg­undar á Íslandi sem fór fyrir dóm­stóla. „Ég ætla ekki að stað­hæfa að aldrei áður hafi lög­heim­il­is­for­eldri farið þessa leið að rukka inn með­lag, lík­lega er fullt af fólki þarna úti sem hefur lent í svip­aðri stöðu og þá ann­að­hvort greitt þegj­andi og hljóða­laust eða orðið gjald­þrota. Ofbeldi lög­heim­il­is­for­eldris er löngu orðið þekkt í okkar sam­fé­lagi og birt­ing­ar­myndin oft­ast tálmun og/eða fjár­kúgun. Á meðan þessar glufur eru í kerf­inu þá mun alltaf vera til fólk sem not­færir sér það sem er ekk­ert annað að mis­notkun á lög­unum. Réttast væri að þessi mis­notkun væri refsi­verð en í stað­inn sam­þykkir kerfið það”.

Aðeins lögfræðingarnir græddu

Bryndís spyr hvor ekki sé löngu orðið tíma­bært að stöðva þessa teg­und af ofbeldi.

„Málinu okkar lauk á þann veg að við vorum dæmd til að greiða henni með­lag 4 ár aftur í tím­ann eða aftur til árs­ins 2016. Þegar hér var komið við sögu vorum við búin að greiða henni mán­að­ar­legt með­lag í rúm tvö ár og því stóð eftir tæp­lega 2 ár sem voru til greiðlsu. Greiðsla með­slags sam­tals kr.571.758 plús drátt­ar­vextir og því heild­ar­upp­hæð með­lags 884.975. Við vorum auð­vitað krafin um 3 millj­ónir svo vissu­lega var þetta mik­ill léttir. Það má ekki gleyma að eftir stendur lög­fræði­kostn­aður upp á hund­ruði þús­unda sem hvor um sig greiðir. Hér græddu lög­fræð­ingar, engin annar”.

Bryndís segir að í hinum full­komna heimi hefði málið verið látið niður falla, enda galið í alla staði. „En við vissum áður en út í þetta var farið að það væri borin von, enda lögin ekki með okkur. Þessir pen­ingar eiga vissu­lega að fara til barns­ins en við munum lík­lega aldrei vita hvort þeir ein­hvern tím­ann röt­uðu þangað”.

Hún bendir enn­fremur á að sam­búða­slita­pappír hjá sýslu­manni sé ekki samn­ingur eins og hann kall­ast heldur ekk­ert annað en ávísun sem gildir í fjögur ár hið minnsta. Ávísun sem lög­heim­il­is­for­eldri hefur í hönd­unum og getur notað til hót­ana og fjár­kúg­unar.

Var þetta þess virði?

„Daginn eftir að dómur féll fengum við bréf frá sýslu­manni þar sem okkur er til­kynnt að kröf­unni hennar um tvö­falt með­lag og tvö­falt með­lag ár aftur í tím­ann var hafnað”.

Bryndís spyr hvort þetta hafi allt verið þess virði? Allur skað­inn sem þetta hefur valdið til langs­tíma, sál­ar­líf allra sem búið er að setja á útsölu fyrir ein­hverjar krónur?

„Við erum sátt með þá lend­ingu sem málið okkar fékk og göngum sátt frá borði. Atlaga var gerð að heim­ili okkar og fjöl­skyldu­lífi. Við tókum ákvörðun að sam­þykkja ekki þetta ofbeldi og fara með þetta fyrir dóm­stóla. Við stöndum upp­rétt og sterk­ari sem aldrei fyrr. Við erum við­búin næstu árásum eins og við höfum verið síð­asta árið”.

Takk fyrir stuðninginn

Bryndísi þykir miður að í dómnum stendur að barnið hafi verið í jafnri umgengni til árs­loka 2019 en rétt er að barnið var í jafnri umgengni til árs­loka 2020. Þessu fengum við ekki breytt”.

„Í leið­inni langar mig að þakka öllum þeim fjölda sem létu sig málið varða. Þetta mál nefn­in­lega snertir ekki bara okkur, heldur ótal aðra sem lenda í ósann­gjörnum með­lagsinn­heimtum. Við erum ekki þau fyrstu og ekki þau síð­ustu sem berj­umst með kerfið á móti okkur.

Takk fyrir allan ykkar stuðn­ing, fal­legu skila­boðin, sím­tölin og heim­sókn­irnar. Þetta skipti okkur allt miklu máli“.

Með færsl­unni fylgir dóm­ur­inn í heild sinni.