„Mig lang­ar að taka það skýrt fram að ég er ekki stúlk­an sem teng­ist máli Gylfa Sig­urðsson­ar”

Mál Gylfa Sig­urðs­sonar hefur, eins og flestir vita, vakið gríð­ar­lega athygli hér á Ísland og úti í hinum stóra heimi.

Einn af mörgum leið­in­legum og mann­skemm­andi kvillum sem hafa komið upp í kringum meint afbrot Gylfa er afar óvægin og ljót umræða í netheimum, en Gylfi hefur ekki verið sak­felldur um eitt né neitt; hann liggur undir grun og lengra nær það ekki.

Í gær og í dag hefur ung stúlka að nafni Chelsea Pardoe verið áreitt af ótal­mörgum á sam­fé­lags­miðlum vegna mynda af henni sem hafa gengið manna á milli þar sem hún er sögð vera stúlka sem Gylfi hafi ann­að­hvort átt í ást­ar­sam­bandi við þegar hún var ólög­ráða eða verið áreitt af Gylfa á kyn­ferð­is­legan hátt.

Þetta er ekki rétt.

Nú hefur áður­nefnd Chelsea sett inn til­kynn­ingu á reikn­ing sinn á Instagram þar sem hún hrein­lega biður um grið:

„Ég verð að leið­rétta þetta; taka það skýrt fram að ég er ekki sú stúlka sem teng­ist máli knatt­spyrnu­manns­ins Gylfa Sig­urðs­son­ar, og bara alls ekk­ert til í sögu­sögn­um þess efnis, og ég veit ekki einu sinni hver hann er, hef aldrei hitt hann eða talað við hann,“ segir Chelsea og bætir við:

„Ég bið fólk að hætta að áreita mig vegna þessa; hvet fólk til að taka sér tíma í að lesa um málið, til þess að koma í veg fyr­ir þetta hrylli­lega áreiti sem ég hef orðið fyrir og það er enn verið að angra mig út af ein­hverri ógeðs­legri lyga­sögu.“