Tíunda Druslugangan gengin á morgun: „Ofbeldi er faraldur sem þarf að ná niður líkt og covid-ið“

Hin árlega Druslu­ganga er á morgun en gangan er ávallt haldin laug­ar­dag­inn fyrir versl­un­ar­manna­helgi. Gengið verður frá Hall­gríms­kirkju klukkan 14:00 og þaðan niður Skóla­vörðu­stíg, Banka­stræti og mun gangan enda á Aust­ur­velli. Þar taka við fund­ar­höld og tón­list­ar­at­riði.

Mannlíf tal­aði við aðstand­endur göng­unnar þær Evu Sig­urð­ar­dóttur, Ingu Hrönn, Söru Mansour og Karítas M. Bjarka­dóttur og spurði þær nokk­urra spurn­inga í tengslum við göng­una.

Hvaða ár var Druslu­gangan gengin fyrst ? „Gangan var fyrst gengin sum­arið 2011, og hefur verið gengin á hverju ári síðan þá. (Fyrir utan raf­ræna göngu síð­asta sum­ars vegna covid)“.

Búist þið við miklum fjölda ? „Það er erfitt að gera sér grein fyrir fjöld­anum vegna stöð­unnar í sam­fé­lag­inu. En stuðn­ing­ur­inn er mik­ill og þörfin er skýr út frá umræðum síð­ustu vikna og mán­aða“.

Eruð þið smeykar við að aðgerðir vegna covid muni hafa áhrif á göng­una ? „Staðan í covid málum hefur nú þegar haft áhrif og mun klár­lega hafa áhrif á göng­una sjálfa. Við búumst ekki við eins mörgum vegna fjölda smita sem og yfir­vof­andi aðgerða og tak­mark­ana. En við verðum með grímur og spritt í varn­ings­söl­unni við Hall­gríms­kirkju og niðri við Aust­ur­völl, þetta er allt undir berum himni og auð­velt að halda fjar­lægð.  Við von­umst auð­vitað til þess að geta og mega ganga Druslu­göng­una, því ofbeldi er far­aldur sem þarf að ná niður líkt og covid-ið“.

Hér má sjá dagskrá Druslugöngunnar 2021

Ræður
– Inga Björk Mar­grétar Bjarna­dóttir

– Inga Hrönn

– Sanna Magda­lena Mörtu­dóttir

Tónlist

– BSÍ

– Kristín Sesselja

– Silja Rós

Mynd frá fyrri göngu

„Með Druslu­göng­unni viljum við færa ábyrgð kyn­ferð­is­glæpa frá þolendum yfir á ger­endur. Við viljum ekki ein­blína á klæðnað, hegðun eða fas þolenda sem afsökun fyrir kyn­ferð­is­glæpi. Færum skömm­ina þar sem hún á heima!“

Öfgar standa fyrir gjörningum og barmmerkjasölu

Mannlíf hafði sam­band við Ólöfu Töru Harð­ar­dóttur, einn af með­limum hóps­ins Öfga og spurði hana út í þeirra þátt­töku í göng­unni. „Við Hall­gríms­kirkju munum við dreifa blöðum og skrif­færum til göngu­fólks. Niðri á Aust­ur­velli verður komið fyrir „Skilum skömminni“-kassa og getur fólk þá skrifað það sem því hentar á blöðin, í þeim til­gangi að skila skömminni af sér. Við Öfga­konur munum svo sjá um að farga skömminni á við­eig­andi hátt… sem kemur í ljós síðar hvernig verður. Einnig verður botn­lausu tjaldi komið fyrir á gang­stétt­inni við Hall­gríms­kirkju. Þar býðst gestum og gang­andi að stíga inn fyrir og kríta nafn ger­enda sinna á gang­stétt­ina. Við skiljum ger­end­urna svo eftir þar þegar við göngum niður holtið!

Við verðum einnig  að selja barm­merki til styrktar málfrels­is­sjóði á 1.000 kr stykkið. Það er hægt að leggja beint inná reikn­ing­inn þeirra  0133-26-201240, kt: 561219-2060 ef fólk kemst ekki á stað­inn eða vilt leggja minni upp­hæð inn eða bara vilt ekki barm­merkið, öll hjálp telur. En eina leiðin til að fá́ barm­merkið er með því að kaupa það beint hjá okkur, allur ágóði rennur svo til málfrels­is­sjóð. Auðvitað eru fjár­hags­legar aðstæður mis­mun­andi hjá́ fólki og það er líka hægt að hjálpa með að vekja athygli á málsstað­inum á samfélags­miðlum t.d. með að deila síð­unni hjá́ málfrels­is­sjóði ; https://malfrelsissjodur.is/“. Hér má sjá við­burði Öfga á Facebook.