Rekstaraðili tjaldsvæðisins Lónsá stígur fram: „Gátuð þið ekki bara græjað þetta sjálfir“

Eins og Mannlíf greindi frá fyrr í dag er ástandið á tjald­svæð­inu Lónsá í námunda við Akureyri búið að vera skelfi­legt. Ruslamál í ólestri, engin varsla á svæð­inu, kló­sett stífluð og óhrein og svæðið eitt mold­ar­flag. Kvartað hefur verið undan því að ekki hefur náðst í umsjón­ar­menn svæð­is­ins þó ítrekað hafi fólk reynt að gera svo. Nú hefur fyr­ir­tækið Landa­merki ehf.  sem hefur umsjón með tjald­svæð­inu stigið fram á Facebook hópnum Tjald­svæði – umræðu­vett­vangur. Úti­legu­kortið hefur ekk­ert með rekstur tjald­svæð­is­ins að gera eins og kom fram í fyrri frétt. Sífellt fleiri hafa verið að tjá sig um tjald­svæðið í hópnum og birta myndir af ástand­inu.

Allt rusl er yfir­fullt á tjald­svæð­inu á Lónsá og lyktin örugg­lega ekki góð í hit­anum sem hefur verið á þessum slóðum upp á síðkastið.

Mynd: Facebook

Landamerki afsaka ástandið

Í til­kynn­ingu þeirra segir Sreten Karimanovic: „Við hjá Landa­merki ehf. erum rekstr­ar­að­ili tjald­svæð­is­ins við Lónsá á Akureyri sum­arið 2021 biðjum ykkur inni­legrar afsök­unar á aðstöðu tjald­svæð­is­ins. Starfs­menn sem ráðnir voru til að sjá um tjald­svæðið hættu störfum fyr­ir­vara­laust. Við höfum lagt alla okkar orku í að finna nýjan starfs­mann til að sjá um tjald­svæðið s.l daga og það tókst að lokum. Nýi starfs­mað­ur­inn okkar byrjar í næstu viku og þá verður von­andi allt eins og það á að vera“.

Fólk er þó ekki par­hrifið. Magga skrifar athuga­semd sem fær tals­verðan stuðn­ing „Hefði þá ekki verið skyn­sam­legt að loka þessa daga“. Sig­ur­björg segir: „En hvers vegna var ekki einu sinni hægt að hafa upp á ykkur?“. Sigþór nokkur kemur með ágætis punkt: „Gátuð þið ekki bara græjað þetta sjálfir?“.

Sal­ern­is­að­taðan á svæð­inu er fremur ógeð­feld og auk þess er sal­ernið stíflað.

Mynd: Facebook

Kristján skrifar ummæli sem útskýra ástandið: „Ástæðan fyrir því að umsjón­ar­menn hættu, var sú að þeir voru búnir að fá nóg af rugl­inu. Ekki var hægt að fá pípar­ann á svæðið þar sem hann hafði ekki fengið greitt fyrir síð­asta reikn­ing og greini­legt að eitt­hvað var fleira í ólagi. Vinnan sem þeir áttu að inna af hendi var klukku­tími í hádeg­inu og klukku­tíma um kvöld­mat. Þetta var bara mikið meiri vinna heldur en sagt var, og eig­endur virt­ust ekki hafa neinn áhuga á því að bæta úr hlut­unum, eins og þetta mold­ar­flag sem er þarna“.

Ljóst er að eitt­hvað veru­lega mikið vantar upp á hjá Landa­merki ehf. er snýr að rekstri tjald­svæð­is­ins Lónsá, ástandið er að minnsta kosti ekki eðli­legt svo mikið er víst.

Ruslagám­arnir eru líka yfir­fullir á tjald­svæð­inu.

Mynd: Facebook