Guðjón var ekki sáttur eftir að hafa sótt tjaldstæðið Voga við Mývatn heim nýverið. Frá reynslu sinni segir hann inn á Facebook hópnum Tjaldsvæði – umræðuvettvangur.
„Við vorum á tjaldsvæði við Mývatn. Vogar ekki Hlíð, biðst afsökunar, Tveir eldri borgarar, húsbíll, ekkert rafmagn eða nein þjónusta. 5.500kr nóttin. Kvartað mikið yfir þessu. “ Ég ekki setja reglur” Dýrasta tjaldsvæði landsins! Ráðendum er hér með gefinn séns á að biðja afsökunar og lagfæra! Þetta voru tvær nætur á 11.000kr ekkert þegið!“ segir Guðjón og er greinilega allt annað en sáttur. Hann gefur þeim sem sjá um tjaldstæðið séns á því að biðjast afsökunar sem og að lagfæra þessa gjaldtöku við hann.
Guðjón segir jafnframt að alls staðar sem hann hafi komið sé veittur afsláttur fyrir eldri borgara nema á tjaldstæðinu Vogum við Mývatn. Hann kallar þetta rán og hvetur fólk til þess að sniðganga staðinn.
Viðbrögðin í hópnum láta ekki á sér standa. Gyða segir: „Mjög víða kostar 1000 kr. fyrir eldri borgara, þetta er mjög dýrt, við höfum verið þarna, útsýnið er alveg yndislegt, kannski verið að rukka fyrir það“. Reynir segir: „Það er auðvitað valkostur hvers og eins hvar fólk gistir. Taka eldriborgarar minna pláss og minna rafmagn?“ Arnar spáir í hvað rukkað sé fyrir: „Rukkuðu þeir gistináttagjald með? Það er ólöglegt í sumar“.
Þórdís segist hafa borgað annað verð á sama stað: „Ég var þarna síðustu nótt. 2 fullorðnir + rafmagn = 4700 kr“. Halldór veltir fyrir sér farskjót Guðjóns: „Varstu nokkuð á húsbíl sem kostaði 12 mills ?“. Guðjón er ekki seinn á sér að svara Halldóri og segist vera á 30 ára heimasmíðuðum jálk.
Bryndís er sammála Guðjóni: „Sammála, var þar sl. nótt á húsbíl. Enginn afsláttur veittur, rafmagn upptekið og aðra þjónustu þurfti ég ekki. Stúlkan talaði bara ensku og rukkaði fyrir bíl og mig 2.500.- Þetta nær engri átt“.
Gjaldskrá Voga skoðuð
Á síðu tjaldsvæðisins kemur fram að verð á hvern fullorðin sé 2000 krónur og gjald á hvern húsbíl sé 1.500 krónur og rafmagn sé innifalið í því verði. Þannig að fyrir tvo fullorðna og húsbíl í eina nótt ætti gjaldið að vera 5.500 krónur en ekki 11.000 krónur eins og Guðjón segist hafa þurft að greiða.
#Útilega
„Fótbolti og fl sem getur skemmt bíl og búnað ætti að vera bannaður á öllum tjaldsvæðum“
Það sýður á Sigríði: „Klósettin eru illa þrifin og enginn klósettpappír né handþurrkur“
Birgir hundóánægður með tjaldsvæðin: „Mörg þessa svæða hafa ekki rænu á að huga að smáfólkinu“
Rekstaraðili tjaldsvæðisins Lónsá stígur fram: „Gátuð þið ekki bara græjað þetta sjálfir“
Athugasemdir