Gunn­laugi er nóg boðið og spyr inn á Mat­ar­tips vin­sælum hóp á Facebook, hvort það sé ekki komið út í öfgar að þurfa að borða skyr með pappa­spjaldi.

Breyt­ingar hafa verið að eiga sér stað hvað varðar umbúðir á hinum ýmsu mat­vælum í tengslum við umhverf­is­vernd. Sumum þykir það ger­ast full hægt og taka hverskyns breyt­ingum fagn­andi en öðrum finnst það ekki eins spenn­andi.

„Er þetta ekki komið útí öfgar þegar maður á að fara borða skyr með pappa­spjaldi?“

Ef til vill er þetta fremur þunn­nur þrett­ándi ?

Mynd: Facebook

Eins og vant er bregð­ast með­limir  hóps­ins við inn­leggi Gunn­laugs. „Ojj og svo er lokið og dollan plast“ segir Kristín. Sigríður segir: „Það væri betra að halda plast­skeið­inni og fara út í pappa­dósir… dósin er mikið stærri en skeiðin!“. „Neii hættu nú alveg!!“ segir Íris. Viðar heldur að um grín sé að ræða „Er þetta ekki grín ?“.

Nína hefur áhyggjur að trjánum sem fara í allan þennan pappa: „Ég hef nú aðeins verið að spá í hvað þurfi að rækta mörg tré í alla þessa bréf­poka og papp­írs­á­höld. Það var geysi­mikil umræða um eyð­ingu skóga og skelfi­leg áhrif þess á lofts­lagið fyrir ekki svo mörgum árum“. Gunnar svarar þá Nínu: „Eyðing skóga hefur ekk­ert með fram­leiðslu á bréf­pokum og papp­írs­á­höldum. Nytja­skógar eru rækt­aðir fyrir svo­leiðis lagað og þar er plantað fyrir þau tré sem eru felld. Eyðing skóg­anna snýr að því að búa til pláss fyrir naut­gripa­rækt og þess háttar“.

Gunn­laugur sýnir nýju pappa­skeið­ina sem fylgir nú með skyr­inu frá Ísey.

Mynd: Facebook

Marcin er viss um að fyr­ir­tækið sé ein­ungis að spara sér fé: „Fram­leið­and­inn er bara að skera á fram­leiðslu­kostn­að­inum frekar en umhverf­is­mál. Ef þetta væri umhverfistengt þá væri frekar breytt umbúðum, það myndi spara meiri plast en að sleppa plast skeið­inni“.

Þá mæta þeir sem taka breyt­ing­unum fagn­andi til leiks: „Hafa skeið með­ferðis“ ráð­leggur Linda Gunn­laugi. Fannar skítur fast á Gunnlaug: „bro, ég er massa fatl­aður, lamaður fyrir neðan brjóst og að mestu leiti til í hönd­unum og á samt ekki í erf­ið­leikum með það“. Logn minnir á það að allt skipti þetta máli: „Öll plast minnkun skiptir máli“.

Helga spyr hvort það séu ekki allir að hugsa um að bjarga jörð­inni: „Erum við ekki öll saman í því að minnka plastið.. Við verðum að laga okkur að breyttum aðstæðum til að reyna að bjarga jörð­inni“. Þegar hér er komið við sögu er Gunn­laugi nó boðið og segir: „Æji hefði svo sem átt að búast við því að friðum jörð­ina sam­tökin myndi fara koma commenta hérna.. höfum það á hreinu að mér alveg sama þótt það sé verið að færa yfir úr plast­inu finnst það bara flott mál en þarna er plast dolla með plast loki og svo þetta? Það fannst mer fyndn­ast.. Ég þarf greini­lega bara að fara ganga með skeið á mér“.