Þjóðfélagið er morandi í smitum – Fólk gengur um smitað án þess að vita það – 88 ný smit í gær

88 greindust með kór­ónu­veiruna inn­an­lands í gær, 54 voru utan sótt­kvíar við grein­ingu.

Víðir Reyn­irs­son yfir­lög­reglu­þjónn hjá almanna­vörnum segir að það sé áhyggju­efni hve margir séu að grein­ast utan sótt­kvíar. Hann segir að sést hafi hóp­sýk­ingar áður en ekki af þess­ari stærð­argráðu. Þá segir hann áhyggju­efni hve rosa­lega útbreidd veiran er og það hafi ekki sést með þeim hætti áður, veiran er bók­staf­lega all­staðar í sam­fé­lag­inu og út um allt land. Rætt var við Víði í hádeg­is­fréttum Bylgj­unar.

Smitrakn­ingin gengur heldur ekki sem skildi því fólk er að ganga úti í sam­fé­lag­inu án þess að hafa hug­mynd um að það sé smitað og það fólk sem svo grein­ist á ákaf­lega erfitt með að rekja allar sínar ferðir, en það er grunn­for­senda smitrakn­ing­ar­innar.

Víðir segir að það sem vís­inda­menn hafi verið að segja um Delta- afbrigði kór­óna­veirunar, að hún sé mun meira smit­andi. Það á hver og einn smit­aður ein­stak­lingur, lík­lega eftir að smita fleiri ein­stak­linga en við höfum séð öllu jafna áður.