Ragnar Freyr: „Stjórnvöld hafa brugðist okkur tvívegis á liðnum mánuðum“

Ragnar Freyr Ingv­ars­son læknir er ómyrkur í máli í opinni færslu á Facebook síðu sinni í garð íslenskra stjórn­valda.

Ragnar Freyr sem þekktur er sem lækn­ir­inn í eld­hús­inu segir stjórn­völd hafa brugð­ist íslensku þjóð­inni í tvígang und­an­farna mán­uði í tengslum við bar­átt­una við Covid-19 heims­far­ald­ur­inn: „Í fyrsta lagi með því að opna landa­mæri upp á gátt og leyfa þannig nær óheft inn­flæði af smit­uðum en bólu­settum ein­stak­lingum. Sótt­varn­ar­læknir hefur sagt í fjöl­miðlum að við þessu hefði mátt búast“ Segir Ragnar Freyr og bætir svo við: „Í öðru lagi, og mun alvar­legra, er að hafa van­rækt að efla Land­spít­ala til að takast á við þessa bylgju. Til þess hafa þau haft marga mán­uði. Mönnun hefur verið ein­stak­lega bág­borin í sumar, ráðn­ingar afleys­inga­fólks tak­markað, fjöldi leg­u­rýma lokað bæði á almennum deildum og gjör­gæslu­deild“.

Þá segir Ragnar að fjöl­miðlar hafi ekki veitt því sér­staka eft­ir­tekt hve fá smit þurfti til þess að spít­al­inn færi á hættu­stig en ein­ungis þurfti þrjár inn­lagnir til þess. „Þrjár inn­lagnir! Hættu­stig!“ segir hann að end­ingu í færslu sinni.