Stjórn Reycup og knattspyrnufélag Selfoss hafa í sameiningu sent frá sér yfirlýsingu vegna máls sem upp kom þar og Mannlíf fjallaði um í morgun. Myndavélar fundust í gistiaðstöðu stelpna sem keppa á Reycup.
Í yfirlýsingunni segir að ekki hafi verið um ásetning að ræða heldur athugunarleysi. Málið hefur verið tilkynnt til lögreglu sem sögð er byrjuð að rannsaka málið. Stjórn Raycup og fulltrúar knattspyrnudeildar Selfoss hafa unnið í góðu samstarfi við lögregluna við lausn á málinu. Þá biðst stjórn mótsins velvirðingar á athugunarleysinu.
Stúlkurnar sem eru 15 og 16 ára fundu myndavélarnar sjálfar sem og skjáina sem sýndu svefnaðstöðu þeirra á stórum skjáum hjá öryggisgæslu Laugardagshallarinnar. Hér að neðan er aðsend mynd sem stúlkurnar tóku sjálfar af skjánum.
Hér má sjá yfirlýsinguna í heild sinni:
„Í gær, laugardaginn 25.07. kom í ljós að í Laugardalshöll í svefnsal stúlknaliða Selfoss sem þátt hafa tekið í ReyCup, var eftirlitsmyndavél sem ekki var slökkt á. Stjórn mótsins var gert viðvart um leið og málið uppgötvaðist og þá var strax slökkt á vélinni. Málið hefur verið tilkynnt til lögreglu sem hefur þegar hafið rannsókn þess. Stjórn ReyCup harmar þessa stöðu sem upp er komin og lýsir fullum stuðningi við þær stúlkur sem þarna gistu. Ekkert bendir til þess að um neinskonar ásetning sé um að ræða, heldur fyrst og fremst athugunarleysi sem er afskaplega miður og vill stjórn mótsins biðjast velvirðingar á því. Stjórn ReyCup og fulltrúar Knattspyrnudeildar Selfoss hafa unnið að í góðu samstarfi að því að finna þessu máli réttan farveg í samstarfi við lögreglu“.
Athugasemdir