Nú er það orðið deg­inum ljós­ara að engin Ljósa­nótt verður haldin þetta árið í Reykja­nesbæ, eins og flestir bjugg­ust reyndar við.

Stýri­hópur hátíð­ar­innar tók þessa ákvörðun á fundi í morgun, en hátíðin átti að standa yfir dag­ana 2. til 5. Sept­em­ber; að sjálf­sögðu var ákvörð­unin tekin í ljósi ástands­ins á Íslandi vegna Covid 19 og þeirra sam­komu­tak­mark­ana sem í gildi eru.

Því miður verður engin Ljósa­nótt þetta árið.

Taldi stýri­hóp­ur­inn rétt að Reykja­nes­bær geri það sem í hans valdi stendur til að hefta óþarfa útbreiðslu veirunnar á meðan álag er gíf­ur­legt á heil­brigð­is­stofn­unum og á annarri grunn­þjón­ustu líkt og raunin er; kemur þetta fram á vef Reykja­nes­bæjar.

Aug­ljós­lega er ákvörð­unin þung­bær fyrir fjöl­marga aðila enda mik­ill und­ir­bún­ingur átt sér stað á síð­ustu vikum og mán­uðum fyrir hátíð­ina; jafnt á vegum Reykja­nes­bæjar, fyr­ir­tækja, félaga og ein­stak­linga:

„Stýri­hópur færir öllum þessum aðilum ómældar þakkir fyrir þeirra mik­il­væga fram­lag og hvetur þá sem og aðra íbúa bæj­ar­ins til að halda í bjart­sýni og gleði eins og kostur er,“ segir í til­kynn­ingu frá Reykja­nesbæ.