Náin vin­kona Dziugas Pet­r­auskas, sem svipti sig lífi síð­ast­lið­inn sunnu­dag á Húsavík, situr eftir með gríð­ar­lega sorg í hjarta sínu eftir frá­fall góðs og trausts vinar. Hún treystir sér ekki til að koma fram undir nafni.

„Þetta er mikil sorg og svo mik­ill missir. Dziugas var svo hlý mann­eskja og eru það orðin sem lýsa honum best. Við höfum misst svo traustan vin. Við elskuðum hann öll svo mikið,“ segir vin­konan.

Pet­r­auskas kom til Húsavíkur að vinna í vor í Kís­il­verk­smiðju PCC á Bakka. Þau urðu sam­stundis vinir og héldu traustu vina­sam­bandi fram á síð­astu stundu. „Við náðum strax góðum tengslum. Við höfðum ekk­ert heyrt frá honum í dálít­inn tíma. Þá varð ég ótta­slegin og virki­lega örvænt­ing­ar­full,“ segir hún.

Pet­r­auskas var 27 ára gam­all knatt­spyrnu­maður frá Litháen. Samkvæmt heim­ildum Mannlífs var ástæðan fyrir því að hann svipti sig lífi sú að hann hafði verið ásak­aður um kyn­ferð­is­brot. Pet­r­auskas var í fram­hald­inu yfir­heyrður af lög­reglu. Eftir það greip hann til þess örþrifa­ráðs að fyr­ir­fara sér. Aðfara­nótt mánu­dags­ins 9. ágúst síð­ast­lið­inn fannst Pet­r­auskas lát­inn í grennd við Húsavík.

Blessuð sé minn­ing Pet­r­auskas.

Sjá einnig: Harm­leikur á Húsavík – Fyrirfór sér eftir ásak­anir um kyn­ferð­is­brot

Beðin um að lýsa eig­in­leikum og per­sónu Pet­r­auskas hefur vin­konan þetta að segja:

„Dziugas var traustur vinur og gat maður alltaf stólað á hann þegar maður þurfti að tala við ein­hvern og það var alveg sama hversu heimsku­legt það var. Svo var alltaf svo stutt í húmor­inn hjá honum og grínið. Hann var svo ynd­is­legur og frá­bær. Dziugas var ein jákvæð­asta mann­eskja sem ég hef nokkurn tíma hitt, hann vildi bara að öllum liði svo vel og að eng­inn væri sorg­mæddur.“

Vinkonan seg­ist ekki hafa leyft verstu hugs­un­unum að kom­ast að, hún hafi ein­blínt á að Pet­r­auskas hafi von­andi skroppið aðeins í göngutúr. Þegar leið á leit­ina hellt­ist yfir hana ótt­inn um svip­legan endi. „Honum leið ekki vel og ásak­anir á hendur honum hafa án efa ýtt undir það. Mér var alveg rosa­lega brugðið við frétt­irnar og þegar ég átta mig á því að við vorum búin að missa hann. Þessari djúpu sorg er erfitt að lýsa, til­finn­ing­arnar eru út um allt við svona sjokk. Þetta brýtur gjör­sam­lega í mér hjartað,“ segir vin­konan.

Pet­r­auskas var öfl­ugur knatt­spyrnu­maður sem spil­aði aðal­lega sem hægri bak­vörður. Hann átti leiki með U-18 og U-19 ára lands­liðum Litháen. Þá spil­aði hann í efstu deild Litháen fyrir liðið knatt­spyrnu­liðið FC Ekranas allt þar til liðið varð gjald­þrota árið 2014 og var lagt niður.

Í síð­ustu viku fór fram kyrrðar- og minn­ing­ar­stund um Pet­r­auskas, í Húsa­vík­ur­kirkju. Prestur flutti þá ritn­ing­ar­orð og leiddi bæn og við­staddir tendr­uðu minn­ing­ar­ljós.

Fólk með sjálfs­vígs­hugs­anir er minnt á Hjálp­ar­síma Rauða kross­ins, 1717, og net­spjallið. Þjálfaðir og reynslu­miklir sjálf­boða­liðar á öllum aldri svara þeim sím­tölum og spjöllum sem ber­ast. Fullum trún­aði er heitið, núm­erið er ókeypis og opið allan sól­ar­hring­inn.

Píeta sam­tökin bjóða einnig upp á þjón­ustu í síma 552-2218 fyrir fólk í sjálfs­vígs­hættu og með sjálfs­skaða­hegðun. Númerið er opið allan sól­ar­hring­inn.
Þá er einnig hægt að ná net­spjalli við hjúkr­un­ar­fræð­inga í gegnum vef­inn heilsu­vera.is.