Mynd af nöktum konum á hálendi Íslands vakti athygli á Facebook. Mannlíf hafði sam­band við Hrönn Vil­hjálms­dóttur, tals­mann hóps­ins, sem féllst á að útskýra hvað er að baki mynd­inni og hvernig hóp­ur­inn varð til.

„Fyrir rúmu ári síðan varð þessi kvenna göngu- og ævin­týra­hópur til. Fyrsta ferðin var í Norð­ur­fjörð. Um hánótt var setið í fjör­unni við log­andi eld­inn þegar 15 konur ákváðu að skella sér í sjó­sund. Ein í hópnum er ljós­mynd­ari og stóðst ekki mátið að smella af nokkrum myndum af berum bossum í flæð­ar­mál­inu,“ segir Hrönn Vil­hjálms­dóttir, tals­maður göngu­hóps­ins um til­urð gull­fal­legrar myndar sem tekin var við Strúts­laug af 13 nöktum konum.

Hrönn segir að það hafi verið mikið hlegið af upp­á­kom­unni í fjör­unni neðan við skála Ferða­fé­lags Íslands í Norð­ur­firði og þar með kvikn­aði neist­inn.

„Mynd­irnar eru gull­fal­legar minn­ingar af ein­stöku kvöldi. Þegar hópur kvenna kemur saman í íslenskri nátt­úru skap­ast ótrú­legir töfrar og kyngi­mögnuð orka leys­ist úr læð­ingi,“ segir Hrönn.

„Hópurinn er þannig sam­settur að einn erf­iðan dag þegar sam­komutak­anir voru í hámarki og við máttum bara ferð­ast inn­an­húss, sam­kvæmt þrí­eyk­inu, sendi ég á 15 hressar konur hvort við ættum ekki að fara í ferð um sum­arið. Eini skil­yrðið var að við­kom­andi þurfti að vera skemmti­legur. Það var ekki að spyrja að því en allar kon­urnar sem fengu boð komu með og svo bætt­ust nokkrar í hóp­inn í vetur“.

Hún segir að um  síð­ast­liðna helgi hafi  hóp­ur­inn haldið í þriggja daga jeppa-, göngu- og mat­ar­upp­lif­un­ar­ferð frá gisti­hús­inu Hrífu­nesi. Þá var komið að því að end­ur­taka leik­inn og hóp­ur­inn ber­hátt­aði sig.

„Farið var um hálendið og meðal ann­ars var komið við í Strúts­laug. Þá var ekki annað hægt en að end­ur­taka leik­inn og enn á ný var mikið hlegið! Íslenskar konur eru svo magn­aðar og hvað þá á fjöllum,“ segir Hrönn.