Tón­list­ar­mað­ur­inn Myrkvi gefur út þriðju breið­skífu sína á morgun en nafn hennar er Rykfall.

Rykfall, þriðja breið­skífa Myrkva, er afrakstur margra ára vinnu. Hún er sjálf­stæð­asta verk lista­manns­ins til þessa en nán­ast hvert smá­at­riði plöt­unnar er spilað eða útsett af honum. Samkvæmt frétta­til­kynn­ingu var mark­miðið að skapa eitt­hvað sem gæti stað­ist tím­ans tönn.

Platan fjallar um að leggja allt undir og elt­ast við draum. Hún hefst á slíkri yfir­lýs­ingu og hápunkti þess frelsis, sem einnig veitir rými til þess að horfa yfir far­inn veg. En nýjum raun­veru­leika fylgja óhjá­kvæmi­lega erf­ið­leikar og með tím­anum seytla inn efa­semdir um hvort draum­ur­inn sé að nálg­ast, sem splundrar sjálfs­mynd­inni. Eftir sitja bit­urt bragðið og spurn­ingin um hvort byrja eigi upp á nýtt eða segja þetta gott.

En af hverju heitir platan Rykfall?

Nafnið Rykfall er kald­hæð­inn spá­dómur fyrir verkið og lýsir í senn meg­in­þem­anu: jafn­væg­inu milli bjart­sýni og von­brigða. Með því að storka örlög­unum á þennan hátt, von­ast Myrkvi til þess að slá vopnin úr höndum tím­ans, því það má finna feg­urð í týndum perlum, jafn­vel þó þær safni ryki.

Upp­lýs­ingar um plöt­una:

Lög og textar: Magnús Örn Thorlacius – Upptökur og hljóð­blöndun: Arnar Guð­jóns­son – Hljóm­jöfnun: Sigurdór Guð­munds­son – Ljósmynd: Freydís Hall­dórs­dóttir – Útgáfa: Bagga­botn

Magnús sá um flutn­ing á öllum söng, gítar og fiðlu, hljóm­borði að und­an­skildum tveimur lögum, sumu slag­verki, og bassa í lögum 5 og 9. Aðrar lag­línur voru samdar og útsettar af honum. – Arnar Guð­jóns­son spil­aði á megnið af bassa og slag­verki, ásamt sellói sem hann útsetti fyrir lög 2 og 10. – Arnór Sig­urð­ar­son spil­aði og aðstoð­aði við útsetn­ingu á trommum. – Sigurður Thorlacius spil­aði á hljóm­borð í lögum 3 og 8 – Valdimar Kolbeinn Sig­ur­jóns­son spil­aði á kontra­bassa í lögum 2 og 10.

Styrkt af Tón­list­ar­sjóði Tón­list­ar­mið­stöðvar, Tón­skálda­sjóði RÚV og STEFs, Hljóð­rita­sjóði Rannís og Upp­töku­sjóði STEFs.