Það er augljóslega mikil vinna framundan hjá ferðaþjónstunni í endurbyggingu eftir heimsfaraldurinn. Á sama tíma hafa ferðaþjónustuaðilar verið á tánnum og fylgst vel með nýjustu þróun innan stafræna heimsins.
SVEF (samtök vefiðnarins) ætla að fræðast og kynnast áskorunum stæfrænnar þróunar og næstu skrefum innan ferðaþjónustunnar. Hægt verður að skyggnast inn á fundinn sem verður haldinn þann 7. október næstkomandi í Ægisgarði frá kl: 11:30-13:00.
Á fundinum verða atriði sem snúa að ferðaþjónustunni rædd og þar verða einnig skoðuð mikilvæg innsýn í það hvernig heimsfaraldurinn hefur haft áhrif á vef- og hugbúnaðarþróun ferðaþjónustufyrirtækja og hvernig þau hafa brugðist við stærstu krísu í manna minnum. Hvaða áskoranir og tækifæri hafa verið í stafrænni þróun fyrir ferðaþjónustuna? Hvað gerist bakvið tjöldin þegar allir hætta að fara inn á bókunarvélina þína? Hvernig byggirðu þig aftur upp eftir COVID?
Á fundinum kemur fram Þórir Ólafsson og og Sigurður Victor Chelbat með erindið – Startið, staðan og stefnan.
Þórir Ólafsson, Director Digital Development og Sigurður Victor Chelbat, Product Manager Digital Products Strategy hjá Icelandair ræða þar um stafræna þróun hjá félaginu. Hindranir og áskoranir sem urðu á þeirra vegi á Covid tímum, ásamt því að deila þeim tækifærum sem sköpuðust í kjölfarið.
Önnur áhugaverð erindi eru frá Ingunni Tryggvadóttur- Flugleitarvél þegar enginn leitar að flugi.
Ingunn Tryggvadóttir, tæknilegur vörustjóri hjá Dohop, mun útskýra frá fyrirtækinu sínu, nýjustu afrekum og þróun þess, ásamt því að deila því sem er framundan hjá íslenska ferðatæknifyrirtækinu.
Að lokum mun Halti Már Einarsson fara með erindi: – Ertu í alvörunni ekki með stefnu í efnissköpun og leitarvélabestun?
Hjalti Már Einarsson stýrði vef- og markaðsmálum Nordic Visitor í 12 ár, en í dag er hann viðskiptaþróunarstjóri hjá Datera. Hjalti mun í erindi sínu horfa utan frá á íslenska ferðaþjónustu, hvað hægt sé að gera í vef- og markaðsmálum í alþjóðaumhverfi á krefjandi tímum eins og núna, þar sem eru miklar áskoranir, en einnig tækifæri. Hjalti mun tala um mikilvægi þess að ferðaþjónustufyrirtæki séu með sterkan grunn og strategíu í efnissköpun og leitarvélabestun.
Athugasemdir