Lögreglunni barst tilkynning rétt fyrir klukkan hálf átta í gærkvöldi frá íþróttasvæði í Laugardalnum. Þar var karlmaður sem lét illa og hafði verið að bera sig fyrir framan ungmenni á æfingu. Maðurinn var ölvaður og endaði í fangaklefa.
Karlmaður var handtekinn um hálf sjö leytið í gær grunaður um fjársvik. Maðurinn var ölvaður og neitaði að greiða reikning fyrir veitingar sem hann fékk.
Tvær konur komu á lögreglustöð. Var tilefni komu þeirra að sækja bíllykla sem önnur þeirra hafði ekið er hún var stöðvuð af lögreglu. Konan var grunuð um að hafa ekið bílnum undir áhrifum fíkniefna.
Konurnar tvær framvísuðu umboði á lögreglustöðinni. Þar kom fram að eigandi bílsins heimilaði afhendingu lyklanna.
Lögreglan athugaði málið og hringdi í eiganda bílsins sem kannaðist ekki við að hafa skrifað undir neitt umboð.
Lögreglumaðurinn sagði konunum að umboðið væri falsað og því væru þær grunaðar um skjalafals. Einnig var þeim vinkonum kynnt réttarstaða sakbornings.
Sex ökumenn voru stöðvaðir í gærkvöldi og nótt. Allir voru grunaðir um akstur undir áhrifum áfengis eða fíkniefna. Einn ökumannanna var 17 ára. Foreldri var látið vita og tilkynning send til barnaverndar.
Umferðaróhapp varð á Þingvallavegi. Þar missti bílstjóri stjórn á bíl sínum og ók á vegrið. Sem betur fer slasaðist enginn en bifreiðin var mikið skemmd.
lögregla
Lögreglan stöðvaði matarsendingar í ólöglega námuvinnslu: „Líkin byrjuðu að hrannast upp“
Maður gekk á miðri akbraut og lögregla kölluð til
Ökumenn sögðust vera óslasaðir
Ræningjar á ferð í Grindavík um jólin – Gaskútaþjófar náðust á myndband en lögregla áhugalaus
Aldrei fleiru fólki vísað frá landinu: „Brýnt er að koma þessu í lag. Lög bjóða ekki annað“
Athugasemdir