Aðal­með­ferð í máli Magn­hildar Sig­ur­björns­dóttur gegn Þjóð­kirkj­unni fer fram þann 27. októ­ber næst­kom­andi í Hér­aðs­dómi Reykja­víkur.

Magn­hildur er fyrr­ver­andi starfs­maður Þjóð­kirkj­unnar, sem vann náið með Agnesi M. Sig­urð­ar­dóttur bisk­upi. Hún var í kirkju­ráði og starf­aði á Bisk­ups­stofu sem verk­efn­is­stjóri fjár­mála­deildar. Hún var einnig fram­kvæmda­stjóri leik­manna­stefn­unnar.

Magn­hildur er ekki fyrsti fyrr­ver­andi starfs­maður Þjóð­kirkj­unnar sem leggur til atlögu við stofn­un­ina.

Áður hafði séra Skírnir Garð­ars­son höfðað mál, þó ekki gegn Þjóð­kirkj­unni heldur Agnesi bisk­upi. Málið höfð­aði hann vegna meintra brota í hans garð, en Skírni var vikið úr starfi í apríl árið 2020 fyrir brot á trún­að­ar­skyldu presta og starfs- og siða­reglum þeirra.

Skírnir taldi að brott­rekstur hans hefði verið ólög­mætur.

Mál hans á sér þann aðdrag­anda að í lok árs 2015 var honum vikið frá störfum í Lága­fells­sókn, þar sem hann var sókn­ar­prestur, vegna máls sem rekja má til sam­skipta hans og konu sem seinna var sökuð um skjala­fals í bak­varð­ar­sveit á hjúkr­un­ar­heim­il­inu Bergi í Bol­ung­ar­vík.

Konan hafði þegið fjár­hags­að­stoð úr líkn­ar­sjóði Lága­fells­kirkju árið 2013 þegar Skírnir var prestur í sókn­inni. Hann grun­aði að konan hefði falsað papp­íra í umsókn sinni og ræddi við félags­mála­stjóra Mos­fells­bæjar um að sjá gögn sem sneru að henni.

Konan kærði Skírni ásamt starfs­manni Mos­fells­bæjar fyrir brot á per­sónu­vernd­ar­lögum, eftir að Skírnir lét kanna hvort konan hefði sagt satt og rétt frá.

Skírnir var í kjöl­far þessa gerður að hér­aðs­presti á Suð­ur­landi.

Eftir að mál „bak­varð­ar­ins“ komst í hámæli í upp­hafi Covid-far­ald­urs­ins, sagði Skírnir frá sam­skiptum sínum við kon­una og greindi frá mál­inu sem olli brott­rekstri hans úr Lága­fells­sókn í við­tali við Vísi.

Skírnir hafði þá séð kon­una í sjón­varp­inu og sak­aði hana í við­tal­inu um að hafa beitt svikum til þess að fá fjár­hags­að­stoð úr líkn­ar­sjóði Lága­fells­kirkju árið 2013. Hann sagð­ist hafa séð hana í bak­varð­ar­sveit­inni eftir að sýnt var frá þyrlu Land­helg­is­gæsl­unnar flytja bak­verði til Bol­ung­ar­víkur.

Skírnir hringdi í kjöl­farið í for­stjóra Heil­brigð­is­stofn­unar Vest­fjarða og var­aði við kon­unni.

Eftir það var séra Skírni sagt upp hjá Þjóð­kirkj­unni.

Bisk­ups­stofa gaf frá sér yfir­lýs­ingu í lok apríl 2020 og vís­aði því algjör­lega á bug að brotið hefði verið á Skírni með upp­sögn hans.

Skírnir hefur síðar sakað Agnesi biskup um ein­elti. Í sam­tali við Mannlíf í vor vildi Skírnir ekki tjá sig efn­is­lega um málið, en sagð­ist þó undr­ast að biskup skyldi ekki víkja úr starfi meðan á mála­rekstr­inum stæði. „Það hefði verið heið­ar­leg­ast,“ sagði hann í mars.

Samkvæmt heim­ildum Mannlífs er nokkur titr­ingur innan Þjóð­kirkj­unnar vegna beggja mála­ferl­anna.

Magn­hildur Sig­ur­björndóttir er sögð hafa verið vel lið­inn starfs­maður innan Þjóð­kirkj­unnar og upp­sögn hennar kom mörgum í opna skjöldu. Því er nú meðal ann­ars velt upp hvort mál hennar snúi að ein­elti á vinnu­staðnum og erf­iðu starfs­um­hverfi, auk þess að snerta svip­lega upp­sögn hennar.

Innan Þjóð­kirkj­unnar standa spjót á Agnesi vegna meintrar óráðsíu í fjár­málum og eyðslu hennar. Ljóst er að kostn­að­ur­inn við mála­ferlin ein og sér verður umtals­verður fyrir stofn­un­ina. Eins og áður sagði starf­aði Magn­hildur í fjár­mála­deild Bisk­ups­stofu.