Verkefnið stuðlar að því að draga úr myndun úrgangs og minnka eftirspurn eftir náttúruauðlindum

Á vef­síð­unni Saman gegn sóun er að finna ráð um hvernig hægt sé að und­ir­búa sig fyrir vet­ur­inn án þess að ýta undir neyslu og sóun.

Þegar vet­ur­inn skellur á og veður fer að kólna fara flestir að huga að hlýrri fatn­aði. Versl­anir aug­lýsa haust- og vetr­ar­tísku sem ein­kenn­ist af hlýjum peysum, treflum og yfir­höfnum og sumir kaupa sér ný föt fyrir vet­ur­inn.

„Saman gegn sóun er almenn stefna umhverfis- og auð­linda­ráð­herra um úrgangs­for­varnir sem gildir frá árinu 2016 til 2027. Umhverf­is­stofnun fer með umsjón með Saman gegn sóun.“

Verk­efnið er í sam­ræmi við hug­mynda­fræði hringrás­ar­hag­kerf­is­ins sem setur í for­gang að draga úr myndun úrgangs og stuðla þannig að minni eft­ir­spurn eftir nátt­úru­auð­lindum. Með verk­efn­inu er verið að leggja áherslu á nægju­semi, meiri nýtni og minni sóun ásamt því að auka fræðslu til að koma í veg fyrir myndun úrgangs.

Hvað getur maður þá gert til þess að taka fyrsta skrefið í átt að minni sóun? Svarið er ein­falt, sam­kvæmt ráð­legg­ingum af síð­unni og snýst það helst um að fylgja þessum fimm ráðum:

1. Kaupum minna
2. Kaupum notað
3. Notum lengur
4. Gerum við
5. End­ur­vinnum meira

Gott ráð sam­kvæmt síð­unni er að byrja á að fara yfir það sem við eigum og nota það sem hægt er að nota áfram. Ef flíkur passa ekki lengur eða nýt­ast ekki er hægt að kaupa notað eða jafn­vel leigt föt. Með því sparar þú orku, efni og vatn sem notað er í fram­leiðslu nýrra flíka.

Vissir þú að …

um 8-10% losun gróð­ur­húsa­loft­teg­unda í heim­inum er frá textíl­iðn­aði?

síðan 2018 hafa um 8% fleiri dregið úr einka­neyslu til að draga úr umhverf­is­á­hrifum?

með því að nota fötin okkar tvö­falt lengur getum við dregið úr umhverf­is­á­hrifum af neyslu okkar á fatn­aði um helm­ing?

Mikið úrval er af búðum sem selja notuð föt. Gæði not­aðs fatn­aðar eru almennt mikil og talað er um að það ættu allir að geta fundið sér eitt­hvað við hæfi.

Hér má finna lista yfir nokkrar versl­anir sem selja notað:

Aftur nýtt – Sunnu­hlíð 12, Akureyri. Básar þar sem hægt er að kaupa og selja not­aðan fatnað.

Barna­loppan– Skeif­unni 11, Reykja­vík. Básar þar sem hægt er að kaupa og selja not­aðar barna­vörur.

Extra­loppan – Smára­lind. Þar er hægt að kaupa og selja notuð föt fyrir full­orðna.

Fata­búðir Rauða kross­ins  – um allt land.

Fram­halds­líf fyrir yfir­hafnir.

Hertex – Reykja­vík og Akureyri. Fata- og nytja­mark­aður.

Kringlubazaar – Kringl­unni. Þar er hægt að kaupa og selja notuð föt fyrir börn og full­orðna.

Spúútnik – Kringl­unni og Lauga­vegi 28b, Reykja­vík. Notuð föt til sölu.

Stína fína – Strand­götu 29, Hafn­ar­firði. Umboðs­sala á not­uðum fatn­aði, skóm og fleira fyrir konur.

Trend­port – Hafn­ar­gata 60, Keflavík. Þar er hægt að kaupa og selja notuð föt fyrir börn og full­orðna.

Verzlanahöllin – Lauga­vegi 26, Reykja­vík. Þar er hægt að kaupa og selja notuð föt.

Wasteland Reykja­vík – Ing­ólfs­stræti 5, Reykja­vík. Notuð föt til sölu.