Play ætlar að græða á næsta ári – Vilja opna starfsstöð í Litháen til að lækka launakostnað

For­svars­menn flug­fé­lags­ins Play segja  að fyr­ir­tækið muni skili hagn­aði ein­hvern tím­ann á næsta ári. Á þriðja árs­fjórð­ungi þessa árs var afkoma félags­ins  nei­kvæð um 1,4 millj­arða króna.

Birgir Jónsson, for­stjóri Play, full­yrðir að þótt lausa­fjár­staða fyr­ir­tæk­is­ins sé góð og hægt væri að reka það með tapi í örfá ár sé auð­vitað mark­miðið að skila hagn­aði sem fyrst. Þetta segir hann í sam­st­ali við Morg­un­blaðið.

Þá segir Einar Örn Ólafsson, stjórn­ar­for­maður í Play, að það væru mikil von­brigði ef ekki næð­ist að skila hagn­aði á að minnsta kosti einum árs­fjórð­ungi næsta árs. Þeir segja báðir að vænt­an­lega verði félagið rekið með hagn­aði næsta sumar, þar sem sæta­nýt­ing þess er á upp­leið og þar sem kostn­aður er lægri en gert var ráð fyrir.

Flug­fé­lagið reynir að lækka starfs­manna­kostnað og lítur til Esytra­salts­ins í þeim efnum. Birgir og Einar Örn segja að nýkynntar fyr­ir­ætl­anir um að opna starfs­stöðvar í Litháen hafi verið gerðar með það fyrir augum að lækka launa­kostnað.