Lögreglan rýmdi leiksskóla: „Þurfa ekki að hafa áhyggjur af börnum sínum“

Lög­reglan á Vest­fjörðum rýmdi leik­skól­ann Eyr­ar­skjól á Ísafirði eftir að til­kynnt var um reyk sem legði frá skól­anum. Samkvæmt til­kynn­ingu lög­regl­unnar eru allir heilir og engin hætta á ferðum fyrir leik­skóla­börnin.Allir nem­endur og starfs­fólk leik­skól­ans þurftu að yfir­gefa leik­skól­ann og héldu þau öll yfir í Safna­húsið, næsta hús. For­eldrar eru beðnir um að hafa ekki áhyggjur af börnum sínum:„Leik­skól­inn Eyr­ar­skjól rýmdur – allir heilir. Rétt í þessu barst lög­reglu og slökkvi­liði til­kynn­ing um reyk sem legði frá leik­skól­anum Eyr­ar­kjól á Ísafirði. Leik­skól­inn var rýmdur og var öllum nem­endum og starfs­fólki beint í næsta hús, Safna­húsið. Liðsfólk RKÍ á Ísafirði fer í Safna­húsið að huga að börnum og starfs­fólki. For­eldrar þurfa ekki að hafa áhyggjur af börnum sínum. Allir eru heilir og engin hætta á ferðum. Leik­skóla­bygg­ingin hefur þannig verið rýmd og er slökkvi­liðið að leita orsaka reyks­ins,“ segir í til­kynn­ingu lög­regl­unnar.