Berglind brjáluð út í Úrval-útsýn á Tenerife: „Eins og einhver hafi makað skít á gólfið“

Berglind nokkur segir farir sínar ekki sléttar í við­skiptum við ferða­skrif­stof­una Úrval-útsýn, ÚÚ, en hún er stödd á Tenerife sem stendur. Þar var hún sett inn á hótel sem hún segir ein­fald­lega vera „því­líkan við­bjóð.“

Berglind segir frá upp­lifun sinni inni í fjöl­mennum hópi aðdá­enda eyj­ar­innar fögru á Facebook, Tenerifetips!. Hún segir að hót­el­mynd­irnar sem ÚÚ aug­lýsi séu ekk­ert í lík­ingu við raun­veru­leik­ann. Við skulum gefa Berg­lindi orðið:

„Við erum a hotel Oro negro og þetta er hót­el­her­bergið sem við erum í. Það er full bókað svo ekki mögu­leiki að fa annað her­bergi en því­líkur við­bjóður. Það er eins ein­hver hafi mjakað skít á gólfið, flís­arnar á gólf­inu eru brotnar og mygla í öllu. Ég mæli ekki með þessu og mat­ur­inn er ekki goður. Mynd­irnar a uu.is lita mikið betur út en þetta,“ segir Berglind og heldur áfram:

Sem betur fer erum við ekki með börnin. Við förum a mið­vikud heim svo það tekur þvi ekki að skipta úr þessu. Við alla­vega erum ekk­ert a hot­el­inu því það er skárra að vera úti bara i sól­inni, ekki t.d a svöl­unum þar sem útsýnið er skítugt þak með sigó­stubbum sem er hent niður af svölum fyrir ofan okkur.“

Fjöl­margir með­limir lýsa furðu sinni á her­berg­inu sem Berg­lindi er boðið upp á. Áki er einn þeirra sem tjáir sig. „Við­bjóður,“ segir Áki.

Anna myndi aldrei láta bjóða sér þetta. „Djöf­uls­ins skömm er að þessu,“ segir Anna. Bryndís veit hvað hún myndi gera í stöð­unni. „Myndi heimta end­ur­greiðslu eða að far­ar­stjór­inn myndi redda ykkur öðru hót­eli sem er við hæfi!,“ segir Bryndís.