Lögreglan varar við netsvindli á tilboðsdögum: „Appelsínugul viðvörun“

Lög­reglan á höf­uð­borg­ar­svæð­inu varar við netsvindli í tengslum við til­boðs­daga kennda við Svartan föstu­dag, sem víða standa ýmist yfir í dag eða fram á mánu­dag.

„Fram undan eru miklir versl­un­ar­dagar, Black Friday, Cyber Monday og jól. Fullt af fólki mun nú panta vörur á net­inu. Þetta vita netsvindl­arar og skipu­lögð glæpa­sam­tök. Nú verður aukn­ing á til­raunum til net­brota. Það er jafn árvisst og þessir dagar,“ segir í til­kynn­inguni.

Mælt er með því að fólk skoði vand­lega öll skila­boð um að þeirra bíði pakkar. Lög­reglan ráð­leggur fólki að vera tor­tryggið.

„Tenglar sem fara með ykkur á slóðir þar sem þið eigið að skrá inn greiðslu­kort eru nán­ast alltaf svindl. Slík svindl eru oft sann­fær­andi og glæpa­menn­irnir mis­nota ein­kenni þekktra fyr­ir­tækja til að gera þetta meira sann­fær­andi. Skilaboð frá Póstinum eða DHL eru alls ekki endi­lega frá þeim og þau munu ekki biðja ykkur um að skrá inn kortin ykkar.

Verið með­vituð og sýnið aðgát og tor­tryggni ef þið fáið skila­boð um að ykkur hafi borist pakki.“

Lög­reglan á höf­uð­borg­ar­svæð­inu ráð­leggur fólki sem borist hafa slík skila­boð að láta lög­reglu vita á [email protected] eða [email protected].