Magnús elskar BDSM: „Þú lækn­ar ekki sam­kyn­hneigð né BDSM hneigð – Þetta snýst um sjálfs­ást“

Magnús Há­kon­ar­son er fyrr­ver­andi for­maður BDSM sam­tak­anna á Íslandi. Sem ung­ur maður upp­götv­aði hann áhuga sinn á bind­ingum í kyn­lífi. Hann telur bind­ing­ar vera sterka BDSM hneigð.

Magnús, sem hef­ur verið við­loð­inn BDSM á Íslandi síð­ast­liðin ald­ar­fjórð­ung, var gest­ur í hlað­varps­þætt­in­um Þvotta­hús­inu:

„BDSM er skamm­stöf­u; stend­ur fyr­ir bind­ing­ar, drottn­un og und­ir­gefni og sa­dóma­sók­isma,” seg­ir hann og bætir við að saga BDSM sé ekki eldri en sirka 80 til 90 ára; en að kvik­mynd­in The Wild One með Marlon Brandon frá ár­inu 1953 hafi lagt lín­urn­ar hvað varðar svart leður; helsta ein­kenni BDSM:

„Tísk­an eða hefðin í kring­um BDSM er óskap­lega menn­ing­ar­bund­in: Leðrið í vest­rænum heimi er tengt valdi; það var bara ríka fólkið og valdið sem hafði efni á leðri,“ seg­ir hann.

Magnús seg­ir að BDSM gangi ekki út á að meiða stjórn­laust annað fólk; seg­ir BDSM ganga út á traust og kær­leika, sem sé grunn­ur í tengsl­unum sem eiga sér stað í BDSM.Alveg sama hvort verið sé að flengja, binda, klípa eða klóra, þá snýst þetta um að þekkja sjálf­an sig; sitt ferli og ít­ar­leg­an und­ir­bún­ing sem felst í sam­skipt­um byggðum á heið­ar­leika.

„Lyk­il­atriðið í BDSM er að ef þú ætl­ar að gera þetta vel og líða vel með það, þá þarftu að vinna mikið í sjálf­um þér.“Magnús bætir við að BDSM snú­ist um sjálfs­ást: Seg­ir fjöl­breyttar ástæður fyr­ir því að fólk vill stunda BDSM.„Það er hægt að fara út í BDSM á kol­röng­um for­send­um; sem dæmi má nefna þessa teng­ingu við sjálfs­skaða og mörk­in geta verið óskýr, en eru það í raun ekki.“Magnús vill meina að BDSM sé afar víð­feðmt hug­tak; rúm­i óheyri­lega mikið, svo lengi sem grunn­ur­inn er eðli­legur og réttur; nefn­ir í því sam­hengi frá­sögn af er­lendu pari sem fóru í svo­kall­aðan „Dexter­leik.“

Þar var sett á svið skipu­lagt morð þar sem einn aðil­inn lék morð­ingja í plast­lögðu rými á meðan hinn lék fórn­ar­lambið og var raun­veru­lega skorið á háls án þess þó að skorið væri í æðar.BDSM sam­tök­in eru hags­mun­arað­ili sam­tak­ana 78 og hafa verið það í fimm ár.

„BDSM-ið er klár­lega á hinseg­in róf­inu. Fólk sem er BDSM hneigt er öðru­vísi, þú lækn­ar ekki sam­kyn­hneigð, þú lækn­ar ekki BDSM hneigð, þetta er bara part­ur af þér. Marg­ir bera skömm í kring­um þetta, það eru for­dómar í kring­um þetta,” seg­ir Magnús spurður af hverju hon­um finn­ist BDSM eiga heima í sam­tök­unum 78.

Hlusta má á við­talið í fullri lengd í hlað­varp­inu Þvotta­húsið á vef

mbl.is

og einnig horfa á hann á vef­síð­unni vin­sælu, YouTu­be.