Bubbi heiðrar minningu Rúnars Júlíussonar: Birti gamla mynd af sér með rokkkónginum

Á þessum degi fyrir 13 árum síðan lést einn dáð­asti rokk­ari lands­ins, Guð­mundur Rúnar Júl­í­us­son, eða Rúni Júl eins og hann var kall­aður.

Rúnar var virkur í tón­list­inni fram á síð­asta dag, en aðeins nokkrum dögum fyrir and­látið sendi hann frá sér þre­faldan safndisk með yfir­liti yfir glæstan feril sinn.

Banamein Rúnars var hjarta­á­fall, en Rúnar var akkúrat á sviði þegar hann kenndi sér meins. Útgáfu­fyr­ir­tækið hans Gim­steinn hélt árlega útgáfu­kynn­ingu á veit­inga­staðnum Ránni og var það þar sem Rúnar var að fara á svið til að syngja, þegar hann kennir sér meins er hann teygir sig eftir gít­arnum sínum. Var hann í kjöl­farið fluttur á sjúkra­hús þar sem hann lést.

Bubbi Morthens heiðrar minn­ingu rokkkóngs­ins og birtir gamla mynd af sér með Rúnari á Twitter í dag með yfir­skrift­inni „Rúnar Júl­í­us­son Minn­ingin lifir um góðan dreng (13 April 1945 – 5 Desember 2008).“