Þórhildur Sunna kveður Freyju: „Hún skilur eftir sig tómarúm í hjarta okkar“

„Freyja fór frá okkur allt of snemma og hún skilur eftir sig tóma­rúm í hjarta okkar. Þögn, þar sem alltaf mátti heyra loppu­tak, kyrrð þar sem alltaf mátti búast við fagn­að­ar­látum. Sorg þar sem alltaf mátti finna til gleði með henni.“

Freyja var aðeins eins og hálfs árs gömul.

Þessi hlýju orð má finna í færslu þing­kon­unnar Þór­hildar Sunnu Ævars­dóttur, þing­manns Pírata, þar sem hún kveður hund­inn sinn, Freyju Forynju, sem varð bráð­kvödd á heim­ili hennar um helg­ina, aðeins eins og hálfs árs gömul.

„Elsku hjart­ans hund­ur­inn okkar, orku­bolt­inn og gleði­gjaf­inn Freyja Forynja er farin frá okkur. Freyja elskaði fólkið sitt afar heitt og það fundum við öll sem fengum að fylgja henni í gegnum lífið. Freyja hafði mikla ástríðu fyrir því að veiða snjó, fjúk­andi lauf­blöð og hvers kyns ljós eða skugga. Freyja elskaði egg og nauta­hakk og hrein­lega allt sem við fjöl­skyldan vorum að borða,“ segir Þór­hildur í afar hjart­næmri kveðju sinni.