Flug­fé­lagið PLAY mun fljúga til Boston og Washington D.C. í Banda­ríkj­unum á nýju ári. Miðasala til nýju áfanga­stað­anna hefst í dag en þetta kemur fram í til­kynn­ingu frá flug­fé­lag­inu.

Fyrsta flug til Washington verður þann 20. apríl á næsta ári en flogið verður til Baltimore/Washington International flug­vallar. Þá verður fyrsta Boston flugið stuttu síðar, þann 11. maí til Logan-flug­vallar.

PLAY hefur þegar fengið öll leyfi frá banda­rískum flug­mála­yf­ir­völdum sem eru nauð­syn­leg til þess að hefja flug til Banda­ríkj­anna.

Er áfangi flug­fé­lags­ins sagður afskap­lega þýð­ing­ar­mik­ill enda nýr kafli í sögu þess.

„Í vor verður hægt að fljúga með tengiflugi á milli áfanga­staða í Banda­ríkj­unum, og Parísar, Berlínar, London, Kaup­manna­hafnar, Dublin, Brussel, Stafang­urs, Þránd­heims og Gauta­borgar í Evrópu“.

Fjölgun áfanga­staða félags­ins hefur verið mikil frá jóm­frú­ar­flug­inu sem var þann 24. júní síð­ast­lið­inn. Þá er stefna félags­ins að hafa fimmtán flug­véla flota árið 2025.