Díana Björns­dóttir, sem er iðin við að flytja fréttir af Covid-málum á Kanarí­eyjum, bendir íslenskum ferða­löngum á Tenerife og Gran Canaria eyj­unni á að nú megi þeir allir búast við því að vera krafnir um að sýna Covid-skír­teini á veit­inga­stöðum. Hið sama eigi við um alla þá Íslend­inga sem búsettir eru á eyj­unum.

Inn á hópnum Heilsan á Kanarí er fjallað um allt sem teng­ist heilsu á eyj­unni og þar með talið Covid-19. Þar kemur fram að Kanarí­eyjar séu nú þegar það sam­fé­lag sem er með hæsta algengi omicron og hefur staðan verið hrika­leg á Tenerife yfir hátíð­irnar.

Sjá einnig: 

Hrikaleg staða á Tenerife fyrir jólin: „Þetta er án efa erf­ið­asti dag­ur­inn sem ég hef upp­lifað“

Þegar aðeins vika var til jóla ákváðu sótt­varn­ar­yf­ir­völd á kanarí­eyj­unum Gran Canaria og Tenerife að herða sótt­varn­ar­að­gerðir vegna Covid-19. Hættu­stigið var færst upp í næst­hæsta þrep og er búist við því að farið verði upp í hæsta hættu­stig í lok vik­unnar. Yfir hátíð­irnar eru þús­undir Íslend­inga á eyj­unum til að njóta jóla­sólar.

Díana vekur athygli Íslend­inga á því að nú geti allir verið krafnir um Covid-skír­teini til þess að kom­ast inn á veit­ing­ar­stað og það hafi verið lög­fest á Spáni. Að hennar sögn getur slíkt skír­teini verið ýmist bólu­setn­inga­vott­orð, vott­orð um mótefni gegn Covid-19 eða nýlegt próf sem sýna nei­kvæða nið­ur­stöðu við kór­ónu­veirunni.