Þórólfur bjartsýnn á upplýsingafundi: „Þannig ætti að vera hægt að hverfa til eðlilegra lífs“

Þórólfur Guðnason, sótt­varn­ar­læknir, segir að ef rétt reyn­ist að veik­indi af völdum Omíkron-afbrigð­is­ins séu minni en af öðrum afbrigðum Covid-19 hingað til, verði ástæða til að slaka á aðgerðum inn­an­lands.

Þetta kom fram í máli Þórólfs á upp­lýs­inga­fundi klukkan 11.

Smit af völdum Omíkron-afbrigð­is­ins eru nú í kringum 90 pró­sent af heild­ar­fjölda dag­legra smita.

Þórólfur sagði á fund­inum að ef í ljós kæmi, eins og vís­bend­ingar gefi til kynna, að alvar­leg veik­indi af völdum Omíkron-afbrigð­is­ins væru fremur fátíð, gæti afbrigðið hjálpað okkur við að ná fram hjarð­ó­næmi í sam­fé­lag­inu og hugs­an­lega komið okkur lengra út úr far­aldr­inum.

Enginn sem er inniliggj­andi á Land­spít­al­anum núna hefur fengið örv­un­ar­skammt. Flestir þar eru með Delta-afbrigðið, en tveir liggja inni á spít­al­anum með Omíkron-afbrigðið.

Nú liggja sex á gjör­gæslu á Land­spít­ala, þar af fimm í önd­un­ar­vél. Sjúk­lingum á gjör­gæslu hefur fjölgað um tvo á milli daga. Það sama má segja um þá sjúk­linga sem eru í önd­un­ar­vél, sem í gær voru þrír.

Heild­ar­fjöldi sjúk­linga sem liggja á Land­spít­ala vegna COVID-19 er 21.  Með­al­aldur inniliggj­andi er 60 ár. Í gær bætt­ust 852 við í eft­ir­lit Covid göngu­deildar Land­spít­al­ans.

„Ef rétt reyn­ist að alvar­leg veik­indi af völdum Omíkron-afbrigð­is­ins séu sjald­gæf þá ættum við til­tölu­lega fljótt að geta slakað á þeim hömlum og þannig fengið þannig útbreitt ónæmi af völdum nátt­úru­legra sýk­inga ofan í þá vernd sem bólu­setn­ing­arnar eru að gefa. Þannig ætti að vera hægt að hverfa hægt og bít­andi til eðli­legra lífs,“ sagði Þórólfur á upp­lýs­inga­fund­inum.