Deilur hafa sprottið á sam­skipa­miðli Félags kvenna í atvinnu­rekstri vegna aðildar Loga Bergmann Eiðs­sonar að máli Vítalíu Lazareva sem sakar fjöl­miðla­mann­inn um að að hafa mis­boðið sér kyn­ferð­is­lega á hót­el­her­bergi í Borg­ar­firði. Logi birti til­kynn­ingu á Facebook-síðu sinni þar sem hann sagð­ist sak­laus af því að hafa brotið á Vítalíu en við­ur­kennir þó að hafa gengið inn á Vítalíu og ást­mann hennar, Arnar Grant, á hót­el­her­bergi þeirra og þannig „farið yfir mörk í einka­líf­inu“ eins og hann orð­aði það. Þegar litið er á þann ara­grúa fólks sem líkar við færslu Loga og sýnir þannig stuðn­ing sinn, má sjá margar þekktar per­sónur.

Sigríður Hrund Pét­urs­dóttir er ein þeirra sem lík­aði við færsl­una í gær en hún er for­maður  Félags kvenna í atvinnu­líf­inu (FKA). Sigríður hefur nú dregið „like“ sitt til baka.
Ólga er innan félags­ins vegna stuðn­ings hennar við mein­tan ger­anda en Sigríður Hrund hefur nú tekið til baka þum­al­inn við yfir­lýs­ingu Loga.

„Mér þætti betra að for­mað­ur­inn okkar væri ekki að taka opin­bera afstöðu með manni á Facebooksíðu sinni sem verið er að saka um að fara yfir mörk konu. Þetta er alveg til þess fallið að vekja athygli og nei­kvæðum sjónum að félagi okkar. Ást og friður,“ skrifar einn af með­limum félags­ins og birtir skjá­skot af stuðn­ings­þumli Sigríðar Hrundar.

Eig­in­kona Loga, Svan­hildur Hólm Vals­dóttir er með­limur í félag­inu. Hún kemur Loga til varnar og svarar þessum pósti og býður konum sem þurfa að ræða málið að hafa sam­band við sig per­sónu­lega. „Sælar. Ég þekki til máls­ins. Ef ein­hverjar hér vilja ræða það við mig er þeim vel­komið að hafa sam­band.“

Harpa nokkur spyr Svan­hildi; „Varstu í her­berg­inu?“

Svan­hildur svarar um hæl. „Ég ætla ekki að ræða þetta á þessum nótum hér, en ef þú vilt heyra í mér per­sónu­lega er ég alveg til.“

Hildur svarar Svan­hildi og segir sína skoðun. „Mér þykir leitt að þú skulir þurfa að standa í þessu Svan­hildur, stórt knús til þín. En það breytir ekki því að sem félag og sem frontur á félagi, þá getum við ekki leyft okkur að taka afstöðu á móti þolendum í slíkum málum, eða það er mín skoðun í það minnsta.“

Svan­hildur svarar; „Takk, og mér finnst ekki heldur að sam­tök yfir­leitt eigi að gera það.“

Þegar litið er svo yfir þau sem líkað hafa við yfir­lýs­ingu Loga má sjá þó nokkra þjóð­þekkta Íslend­inga.

Sjálf­stæð­is­menn eru áber­andi en þar ber helst að nefna Áslaugu Örnu Sig­ur­björns­dóttur, Hannes Hólm­stein Giss­ura­son, Katrínu Atla­dóttur, Davíð Þor­láks­son og Sigurð Kára Krist­jáns­son.

Þá má einnig sjá Ingólf Þór­ar­ins­son, eða Ingó Veðurguð eins og hann er kall­aður, á list­anum sem og Nönnu Kristínu Tryggva­dóttur en hún er ein af for­svars­konum félags­ins Konur eru konum bestar, sem styrkt hefur ýmsar stofn­anir sem koma að mál­efnum kvenna. Þar ber helst að nefna Kvenna­at­hvarfið og Stígamót.
Inga Lind Karls­dóttir og Hafrún Krist­jáns­dóttir, sál­fræð­ingur og einn höf­unda úttekt­ar­skýrslu ÍSÍ um ofbeld­is­mál, hafa einnig líkað við færslu Loga.