Landspítalinn rannsakar leghálssýni og biðtími styttist

Rann­sóknir á leg­háls­sýnum munu hefj­ast á Land­spít­al­anum eftir rúma viku. Ágúst Ingi Ágústs­son, yfir­læknir sam­hæf­ing­ar­stöðvar krabba­meins­skim­ana segir bið­tím­ann eftir nið­ur­stöðu stytt­ast lít­il­lega.

Unnið er að því að manna og þjálfa starfs­fólk við skiman­irnar en á meðan verði helm­ingur sýna send út til Dan­merkur þar sem þau verða rann­sökuð.

Búist er við að skipu­lagið muni vara í allt að ár. Notast verður við sitt­hvor sýnaglösin og ákveðið þannig fyr­ir­fram hvert sýnin verða send. Sagði Ágúst í við­tali við Vísi að honum þætti lík­legt að sýni sem tekin eru hjá kven­sjúk­dóma­læknum verði rann­sökuð hér heima en sýnaglösin sem þeir nota passi í vél­arnar á Lands­spít­al­anum.

„Það er ekki ólík­legt að þetta stytt­ist um ein­hverja daga að með­al­talið því við spörum okkur flugið til Dan­merkur,“ segir Ágúst um bið­tím­ann eftir að Land­spít­al­inn hafi tekið við öllum sýna­tökum. Það sé þó ekki á næsta leyti.