Heil­brigð­is­ráð­herra óskaði fólki til ham­ingju með dag­inn í lok blaða­manna­fundar sem hald­inn var í dag. Til­gangur fund­ar­ins var að til­kynna um aflétt­ingar allra sam­komu­tak­mark­ana næst­kom­andi föstu­dag. Fundinum var varpað út á vef RÚV.

Rík­is­stjórnin sam­þykkti á fundi sínum í dag að aflétta öllum sam­komu­tak­mörk­unum í land­inu, sem og á landa­mær­unum, aðfara­nótt föstu­dags. Ein­angrun smit­aðra verður einnig afnumin. Samkvæmt heil­brigð­is­ráð­herra var full sam­staða um ákvörð­un­ina innan rík­is­stjórn­ar­innar og hún tekin í sam­ráði við sótt­varna­lækni.

„Við erum að end­ur­heimta eðli­legt líf en veiran er enn þá með okkur,“ sagði Katrín Jak­obs­dóttir, for­sæt­is­ráð­herra, á blaða­manna­fund­inum. Hún sagði Íslend­inga vera reynsl­unni rík­ari eftir síð­ast­liðin tvö ár. Hún sagð­ist trúa því að lands­menn myndu áfram hegða sér skyn­sam­lega; þeir kynnu að umgang­ast veiruna.

„Ef fólk er veikt, þá á það auð­vitað að taka til­lit til þess og halda sig heima. Ég held að það sé nú bara eins skýrt og það getur orðið,“ sagði Katrín Jak­obs­dóttir.

Takmarkanir myndu litlu skila

Willum Þór, heil­brigð­is­ráð­herra, sagði að á þessum tíma­punkti væri útbreiðsla veirunnar það mikil í sam­fé­lag­inu að tak­mark­anir myndu ekki skila miklu. Hann sagð­ist þó hafa áhyggjur af Lands­spít­al­anum, enda væri fólk enn að leggj­ast inn með Covid-19 og margir starfs­menn fjar­ver­andi vegna smita. Það raski starf­inu.

„Það ber þó að taka það fram að ef fólk finnur ein­kenni, að það nýti sér þá hrað­grein­ing­ar­prófin. Þeir sem hins vegar vilja eða þurfa sam­kvæmt lækn­is­ráði að fá stað­fest­ingu í PCR prófi geta nýtt sér það,“ sagði Willum Þór. Hann sagði að enn væru ein­hver lönd sem krefð­ust nei­kvæðra PCR prófa frá fólki sem ferð­að­ist til þeirra. Hægt yrði að fara í slík próf eftir sem áður.

Katrín Jak­obs­dóttir sagði að stjórn­völd væru alltaf við­búin því að önnur afbrigði veirunnar gætu skotið upp koll­inum. „Þá erum við svo sann­ar­lega með reynsl­una til að geta sett á aðgerðir mjög hratt og tekið upp nýtt fyr­ir­komu­lag á landa­mær­unum mjög hratt.“

„Við hættum ekki að fylgj­ast með stöðu far­ald­urs­ins hér heima og erlendis,“ sagði for­sæt­is­ráð­herra í lok fund­ar­ins.

Þau Willum Þór Þórsson og Katrín Jak­obs­dóttir voru sam­mála um að það væri sann­ar­lega ósk­andi að blaða­manna­fundur dags­ins yrði sá síð­asti í tengslum við Covid-19 far­ald­ur­inn.