„Þetta er góð spurn­ing,“ sagði Anna María Frí­manns­dóttir, aðspurð út í verk­lag mats­manna í for­ræð­is­málum í við­tali við Mannlíf í morgun. Anna María er fram­kvæmda­stjóri Sál­fræð­inga­fé­lags Íslands en hefur Mannlíf nýverið fjallað um for­ræð­is­mál þar sem Fjölni Þor­geirs­syni athafna­manni var dæmt for­ræði yfir einu barna sinna.
Bryndís Ásmunds­dóttir, ein barns­móðir Fjölnis sagði nýverið frá meintu grófu ofbeldi sem hún varð fyrir í þætt­inum Eigin Konur en frá­sögn hennar var átak­an­leg og vakti mikla athygli. Í kjöl­farið stigu fram tvær aðrar barns­mæður hans, þær Mailinn Soler og Sjöfn Sæmunds­dóttir og lýstu yfir fullum stuðn­ingi við Bryndísi. Þá sögð­ust þær hafa sömu sögu að segja um meint ofbeldi.

Málið hefur verið mikið til umræðu á sam­fé­lags­miðlum og hafa sam­tökin Líf án ofbeldis gagn­rýnt nið­ur­stöð­una í for­ræð­is­mál­inu harð­lega.
Mats­gerðir eru taldar vega þungt í málum sem þessum en virð­ast sál­fræð­ingar í stöðu mats­manns ekki þurfa að fylgja neinum sér­stökum reglum við vinnslu mat­gerð­ar­innar.
Sagðist Anna María ekki vita af neinum reglum eða römmum sem þyrfti að fara eftir.
„Þetta er góð spurn­ing, nei veistu það, ég veit ekki til þess að það sé neinn rammi um það hver geti tekið að sér vona mál, hvort það séu ein­hverjar kröfur eða hvernig hann(sál­fræð­ing­ur­inn) gerir eða hvað hann notar. Kannski er það að ein­hverju leyti skilj­an­legt alla­vega varð­andi matið sjálft af því það getur nátt­úru­lega farið eftir ýmsu, hvaða tæki og tól þú ert að nota og hvernig þú gerir það, en nei ekki svo eg viti.“
Á Anna María meðal ann­ars við per­sónu­leika­próf er hún nefnir hvaða tæki og tól sál­fræð­ingar nota en eru til ótal útgáfur af slíkum prófum. Þá hafa per­sónu­leika­próf verið umdeild og skiptar skoð­anir verið um áreið­an­leika slíkra prófa.

Taldi Anna María mats­menn hafa frjálsar hendur við vinnslu mats­gerðar.
„Eftir því sem ég best veit já, ég hef ekki heyrt neinar reglur um það að það eigi að gera svona eða hinsegin né heldur að það séu ein­hverjar kröfur um hverjir taka þetta að sér eftir því sem ég best veit.“
Bætti hún við að hún teldi ekki vera him­inn og haf á milli aðferða hvers og eins sál­fræð­ings en þekkti það þó ekki nægi­lega vel.